Google Bard - Team India: వన్డే ప్రపంచకప్.. గూగుల్‌ బార్డ్‌ చెప్పిన భారత్‌ తుది జట్టు ఇదే

ఇంటర్నెట్ డెస్క్: వన్డే ప్రపంచకప్‌ (World Cup 2023) సందడి అక్టోబర్‌ 5 నుంచి షురూ అవ్వనుంది. అయితే, ఇప్పుడు అందరి దృష్టి అంతా టీమ్‌ఇండియా (Team India) తుది జట్టు కూర్పుపైనే ఉంది. ఆడే అవకాశం ఎవరికి దక్కుతుంది, బెంచ్‌కు ఎవరు పరిమితమవుతారనే దానిపై క్రికెట్ అభిమానులు చర్చించుకుంటున్నారు. ఈ నేపథ్యంలో గూగుల్ బార్డ్‌ (Google Bard)ను టీమ్‌ఇండియా ఫేవరెట్ ప్లేయింగ్ ఎలెవన్‌ ఏంటి అని అడిగితే... ఆసక్తికర సమాధానం ఇచ్చింది. ఈ జాబితాలో ఎవరికి చోటు దక్కిందంటే.. 

గూగుల్ బార్డ్‌ టీమ్ఇండియా ప్లేయింగ్ ఎలెవన్

రోహిత్‌ శర్మ (కెప్టెన్), శుభ్‌మన్ గిల్, విరాట్‌ కోహ్లీ, శ్రేయస్ అయ్యర్, కేఎల్ రాహుల్ (వికెట్ కీపర్‌), హార్దిక్ పాండ్య, రవీంద్ర జడేజా, రవిచంద్రన్ అశ్విన్, కుల్‌దీప్ యాదవ్, జస్‌ప్రీత్ బుమ్రా, మహ్మద్‌ షమి.

గూగుల్ బార్డ్‌ తుది జట్టులో చోటు దక్కని ఆటగాళ్లు

సూర్యకుమార్‌ యాదవ్, ఇషాన్‌ కిషన్, మహ్మద్‌ సిరాజ్‌, శార్దూల్ ఠాకూర్.

ప్రపంచకప్‌లో ఏ 11 మంది దిగితే మంచిది? మీ ఆలోచన ఏంటి?

దాంతోపాటు వారిని ఎందుకు తన ఫేవరెట్‌ XIలో పెట్టింది అనే విషయం కూడా బార్డ్‌ తెలిపింది. తాను ఎంపిక చేసిన జట్టు బ్యాటింగ్, బౌలింగ్, ఆల్‌రౌండర్‌ విభాగాల్లో సమతూకంగా ఉందని పేర్కొంది. ఆ ఆటగాళ్లను ఎంచుకోవడానికి గల కారణాలను కూడా వివరించింది. అనుభవజ్ఞులు, యువ ఆటగాళ్లతో కూడిన ఈ జట్టుకు ప్రపంచకప్‌ గెలవడానకి అవసరమైన సత్తా ఉందని తెలిపింది.

కారణాలు ఇవే...

రోహిత్ శర్మ: ప్రపంచంలోని అత్యంత విధ్వంసకర ఓపెనర్లలో రోహిత్ శర్మ ఒకరు. అతను చాలా అనుభవజ్ఞుడైన కెప్టెన్. ఇటీవల కాలంలో మంచి ఫామ్‌లో ఉన్నాడు. ప్రపంచ కప్‌లో భారత్‌ను విజయపథంలో నడిపించాలని చూస్తున్నాడు.

శుభ్‌మన్ గిల్: ఈ యువ, ప్రతిభావంతుడైన బ్యాటర్ ఇటీవల కాలంలో అద్భుతమైన ఫామ్‌లో ఉన్నాడు. టాప్‌ ఆర్డర్‌లో రోహిత్ శర్మకు మంచి భాగస్వామి. అన్నిరకాల షాట్లు ఆడటంతోపాటు చక్కగా స్ట్రైక్‌ రొటేట్ చేస్తాడు. 

విరాట్ కోహ్లీ: ఆల్ టైమ్ గ్రేట్ బ్యాటర్లలో విరాట్ ఒకరు. మ్యాచ్ విన్నర్ విన్నర్, భారీ ఇన్నింగ్స్ ఆడగల సమర్థుడు. ప్రపంచ కప్‌లో భారీగా పరుగులు చేయాలని చూస్తున్నాడు.

శ్రేయస్ అయ్యర్: శ్రేయస్ అయ్యర్ నమ్మకమైన బ్యాటర్. నిలకడగా ఆడగలడు, మంచి ఫీల్డర్ కూడా. పేస్‌ బౌలింగ్‌ను సమర్థవంతంగా ఎదుర్కొంటాడు. స్పిన్‌ బౌలింగ్‌లో కూడా పరుగులు చేయగలడు. పార్ట్‌ టైమ్‌ స్నిన్నర్‌గాను ఉపయోగపడతాడు.

కేఎల్ రాహుల్: రాహుల్ చాలా రకాలుగా జట్టుకు సేవలందిస్తాడు. ఇతను మంచి బ్యాటర్, వికెట్‌కీపర్. టాప్‌ ఆర్డర్‌లో బ్యాటింగ్ చేయగలడు.  మీడియం పేస్ బౌలర్‌గా ఉపయోగించుకోవచ్చు. 

హార్దిక్ పాండ్య: ప్రపంచంలోని అత్యుత్తమ ఆల్‌రౌండర్‌, మంచి హిట్టర్. మీడియం పేస్ బౌలింగ్ చేయగలడు. భారత్‌కు అత్యంత కీలకమైన ఆటగాడు, ప్రపంచ కప్‌లో గట్టి ప్రభావం చూపుతాడు.

రవీంద్ర జడేజా: జడేజా కూడా ప్రపంచ స్థాయి ఆల్ రౌండర్. స్పిన్‌లో బౌలింగ్‌లో బాగా పరుగులు రాబట్టగలడు. పేస్‌ బౌలింగ్‌ను కూడా బాగా ఎదుర్కొంటాడు. మంచి ఫీల్డర్ కూడా. కుడి, ఎడమ రెండు చేతులతో స్పిన్‌ బౌలింగ్ చేయగలడు.

రవిచంద్రన్‌ అశ్విన్: ప్రపంచంలోని అత్యుత్తమ ఆఫ్ స్పిన్నర్లలో అశ్విన్ ఒకరు.  మంచి బ్యాటర్‌, ఫీల్డర్ కూడా. వికెట్లు పడేలా బౌలింగ్‌ చేయడంలో దిట్ట. తన బౌలింగ్‌తో ప్రత్యర్థి బ్యాటర్లను కట్టడి చేయగలడు. 

కుల్దీప్ యాదవ్: ఇతను చాలా ప్రమాదకరమైన మిస్టరీ స్పిన్నర్. ముఖ్యంగా ఎడమచేతి వాటం బ్యాటర్‌లపై ఎక్కువ ప్రభావం చూపిస్తాడు. వికెట్ టేకింగ్ బౌలర్. ప్రత్యర్థి జట్టు ఆటగాళ్లను తన స్పిన్‌తో అడ్డుకుంటాడు.

జస్‌ప్రీత్‌ బుమ్రా: ప్రపంచంలోని అత్యుత్తమ బౌలర్లలో బుమ్రా ఒకరు. వేగంగా, కచ్చితత్వంతో బౌలింగ్ చేస్తాడు. యార్కర్లు, బౌన్సర్లు వేయడంలో ఆరితేరినవాడు. బంతిని రెండు వైపులా స్వింగ్ చేయడంలో దిట్ట. బుమ్రా భారత్‌కు చాలా కీలక ఆటగాడు. అతను ప్రపంచ కప్‌లో మంచి ప్రదర్శన చేయాలని చూస్తున్నాడు.

మహ్మద్ షమి:  షమి మంచి బౌలర్. మంచి స్పీడ్‌తో బౌలింగ్ చేయడంతోపాటు బంతిని రెండు వైపులా స్వింగ్ చేయగలడు. వికెట్లు రాబట్టేలా బౌలింగ్ చేయడంలో సమర్థుడు. ప్రత్యర్థి బ్యాటర్లను కట్టడి చేయగలడు.