IPL 2024: గిల్ కెప్టెన్గా సక్సెస్ అవుతాడు.. మేం అండగా ఉంటాం: గ్యారీ కిర్స్టెన్
కొత్త సారథి నాయకత్వంలో గుజరాత్ టైటాన్స్ ఈసారి ఐపీఎల్ (IPL 2024) బరిలోకి దిగింది. తొలి మ్యాచ్లో హార్దిక్ కెప్టెన్సీలోని ముంబయి ఇండియన్స్తో తలపడనుండటం గమనార్హం. గత రెండు సీజన్లలో హార్దిక్ గుజరాత్ను నడిపించిన సంగతి తెలిసిందే.
ఇంటర్నెట్ డెస్క్: ఐపీఎల్ 17వ (IPL 2024) సీజన్కు వేళైంది. నాలుగు రోజుల్లో మెగా లీగ్ ప్రారంభం కానుంది. టోర్నీలో ప్రధాన ఆటగాళ్లపైనే ఎక్కువ దృష్టి ఉంది. మరీ ముఖ్యంగా గుజరాత్ టైటాన్స్కు కొత్త సారథిగా బాధ్యతలు చేపట్టిన శుభ్మన్ గిల్ (Shubman Gill) జట్టును ఎలా నడిపిస్తాడనే విషయం ఆసక్తికరంగా మారింది. ఇప్పటి వరకు నాయకత్వ అనుభవం పెద్దగా లేని అతడు సహచరుల్లో భరోసా నింపాల్సి ఉంటుంది. ఒకప్పుడు జట్టును ఛాంపియన్గా నిలిపిన హార్దిక్ ముంబయి సారథిగా వెళ్లిపోయిన సంగతి తెలిసిందే. అయితే, గిల్ కెప్టెన్సీ తప్పకుండా విజయవంతమవుతుందని గుజరాత్ బ్యాటింగ్ కోచ్ గ్యారీ కిర్స్టెన్ విశ్వాసం వ్యక్తం చేశాడు. దానికి అవసరమైన అన్ని సహాయ సహకారాలను అందిస్తామని స్పష్టం చేశాడు.
‘‘జట్టుకు నాయకత్వం వహించడం ఎవరికైనా కష్టమే. ఇలాంటి మెగా లీగ్ల్లో ఆ బాధ్యతలు అత్యంత కీలకం. గిల్ ఈ విధులను అద్భుతంగా నిర్వర్తిస్తాడనే నమ్మకం ఉంది. అతడికి అవసరమైన సాయాన్ని అందించడమే మా ముందున్న కర్తవ్యం. సహచరుల నుంచి నాణ్యమైన క్రికెట్ను వెలికితీసి జట్టును విజయాలబాట పట్టించేలా గిల్ చేయగలడు. బ్యాటింగ్పరంగా అతడు అద్భుతమైన ఆటగాడు. సారథిగానూ మెరుగైన పనితీరు కనబరుస్తాడని ఆశిస్తున్నాం. టీమ్ఇండియా తరఫున ఆడేటప్పుడూ గిల్ నిబద్ధతను చూశాం. కొత్తగా నాయకత్వ బాధ్యతలు చేపట్టినప్పుడు ఆరంభంలో కాస్త ఒత్తిడి ఉంటుంది. సవాళ్లను ఎదుర్కొని ముందుకు తీసుకెళ్లగల సత్తా అతడిలో ఉంది. కోచ్లుగా, సహాయక సిబ్బందిగా అతడికి అండగా నిలుస్తాం’’ అని కిర్స్టెన్ వెల్లడించాడు.
లోయర్ ఆర్డర్లో అతడే కీలకం: ఆశిశ్ నెహ్రా
‘‘ఈ సీజన్లో మా జట్టుకు లోయర్ ఆర్డర్లో కీలకమైన ఆటగాడు ఉన్నాడు. ఆ స్థానంలో షారుఖ్ ఖాన్ ప్రధాన పాత్ర పోషిస్తాడు. ఐపీఎల్ వంటి సుదీర్ఘమైన టోర్నీలో పరిస్థితులకు త్వరగా అలవాటు పడాల్సిన అవసరం ఉంది. కేవలం నాలుగైదు మ్యాచ్లు ఆడటం కాదు. ఫైనల్ వరకూ చేరుకోవడానికి ప్రయత్నిస్తాం. వాతావరణం కూడా కఠినంగా ఉంటుంది. ఆటగాళ్లు గాయపడకుండా చూసుకోవాలి. ప్రతి ఒక్క ఆటగాడూ మాకు ముఖ్యమే. స్పెన్సర్ జాన్సన్ యువకుడు. నాణ్యమైన క్రికెటర్. అజ్మతుల్లా ఒమర్జాయ్ మంచి ఆల్రౌండర్గా ఎదిగాడు. తప్పకుండా వారికి ఈ సీజన్ అద్భుతంగా ఉంటుందని అనుకుంటున్నా’’ అని గుజరాత్ ప్రధాన కోచ్ ఆశిశ్ నెహ్రా వ్యాఖ్యానించాడు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రాయల్స్.. రయ్మని
ఎప్పుడో ఐపీఎల్ తొలి ఏడాది ఛాంపియన్గా నిలిచింది రాజస్థాన్. ఆ తర్వాత మరోసారి ట్రోఫీని ముద్దాడలేకపోయింది. 2022లో అవకాశమొచ్చినా తుది మెట్టుపై బోల్తా కొట్టింది. -
ముంబయి కొద్దిలో...
ఐపీఎల్లో ఇప్పుడు 250 స్కోరు చేసినా గెలుస్తామన్న గ్యారెంటీ లేదు. కోల్కతా-పంజాబ్ మధ్య గత మ్యాచ్లో కేకేఆర్ 261 పరుగులు చేస్తే.. పంజాబ్ 8 బంతులు ఉండగానే అంతటి లక్ష్యాన్ని ఊదేసింది. -
జ్యోతి అదరహో..
తెలుగమ్మాయి వెన్నం జ్యోతి సురేఖ అదరగొట్టింది. ఆర్చరీ ప్రపంచకప్ కాంపౌండ్ విభాగంలో హ్యాట్రిక్ స్వర్ణాలు సాధించింది. -
ఫిడే గ్రాండ్ప్రి బరిలో హంపి, హారిక
ఫిడే మహిళల చెస్ గ్రాండ్ప్రి సిరీస్లో భారత స్టార్లు కోనేరు హంపి, ద్రోణవల్లి హారిక బరిలో దిగుతున్నారు. -
భారత్ శుభారంభం
ఉబెర్ కప్ బ్యాడ్మింటన్ టోర్నమెంట్లో భారత్ శుభారంభం చేసింది. -
రన్నరప్గా షన్విత జోడీ
ఐటీఎఫ్ జూనియర్ సర్క్యూట్ టెన్నిస్ టోర్నమెంట్లో తెలుగమ్మాయి షన్వితరెడ్డి రన్నరప్గా నిలిచింది.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
కాలేయానికి అధిక కొవ్వు ముప్పు.. వర్క్ ఫ్రం హోం తర్వాత పెరిగిన కేసులు
-
‘అమ్మో జగన్ బొమ్మా’ళీ.. అడ్డగోలుగా ఫైబర్నెట్ ధరల పెంపు!
-
అన్నకు నచ్చని తమ్ముడి పెళ్లి.. యువతి అమ్మమ్మ ఇంటికి నిప్పుపెట్టిన ప్రబుద్ధుడు
-
ఆసుపత్రికెళ్తే.. విసనకర్ర, కొవ్వొత్తి తీసుకెళ్లాల్సిందే!
-
‘మా అమ్మాయికి కాళ్లే చచ్చుబడ్డాయి.. ఏపీలో వ్యవస్థే చచ్చుబడింది’
-
ఒక్క ఫోటో .. నాలుగేళ్ల కష్టం