మొగిలయ్యకు సజ్జనార్‌ సన్మానం

ఆర్టీసీ ఎండీ సజ్జనార్‌తో మొగిలయ్య

లింగాల, న్యూస్‌టుడే : పద్మశ్రీ పురస్కారానికి ఎంపికైన కిన్నెర మొగిలయ్యను గణతంత్ర దినోత్సవాన్ని పురస్కరించుకొని హైదరాబాదులోని బస్‌ భవన్‌లో బుధవారం ఆర్టీసీ ఎండీ సజ్జనార్‌  సన్మానించారు. ప్రత్యేకంగా ఆహ్వానించి శాలువాతో సత్కరించారు. ఈ సందర్భంగా సజ్జనార్‌ మాట్లాడుతూ. గ్రామీణ ప్రాంతాల్లో ఎంతో ప్రాధాన్యం సంతరించుకొన్న ఈ కళను కేంద్ర ప్రభుత్వం గుర్తించి పద్మశ్రీ అవార్డు ప్రకటించడం అభినందనీయమన్నారు. ఆర్టీసీ సంస్థ అధికారులు సూర్యకిరణ్‌, వెంకట్‌రెడ్డి, అచ్చంపేట ఆర్టీసీ డీఎం భానుప్రసాద్‌, ఆర్టీసీ సంక్షేమ బోర్డు సభ్యుడు చంద్రయ్య పాల్గొన్నారు.