‘పార్క్‌’.. ఖమ్మం మార్క్‌

ఖమ్మం నగరంలోని గోళ్లపాడు కాల్వ(ఛానల్‌) మార్గం వెంట 11 కిలోమీటర్ల పరిధిలో రూ.100 కోట్లతో పార్కులు సుందరంగా ముస్తాబవుతున్నాయి. గతంలో ఈ ప్రాంతాలు మురికికూపాలను తలపించేవి. వీటిని అందంగా తీర్చిదిద్దాలని, ప్రభుత్వస్థలాలు ఆక్రమణకు గురికాకుండా కాపాడాలనే ఉద్దేశంతో పది పార్కులను అధికారులు ఏర్పాటు చేస్తున్నారు. వీటిలో చిన్నారులకు ఆట పరికరాలు, స్కేటింగ్‌, ఫుట్‌బాల్‌, వాలీబాల్‌ కోర్టులు, ఓపెన్‌ జిమ్‌లు, ఫౌంటెయిన్లు, వాకింగ్‌ ట్రాక్‌లు, ప్రకృతివనాలను అందుబాటులోకి తీసుకొస్తున్నారు. పార్కుల ముఖద్వారాలపై పక్షులు, జంతువుల బొమ్మలు ఆకట్టుకుంటున్నాయి. పదికి గాను నాలుగు పార్కుల పనులు పూర్తయ్యాయి. వీటికి తెలంగాణ ప్రముఖుల పేర్లు పెట్టారు. ఉద్యానవనాలను మంత్రి కేటీఆర్‌ ఫిబ్రవరి 10న ప్రారంభించనున్నారు.

 ఈనాడు, ఖమ్మం