Viral video: పెళ్లికొడుకు ఏడ్చాడు..!

పెళ్లిలో సాధారణంగా అప్పగింతల సమయంలో వధువు భావోద్వేగానికి గురై ఏడవటం చూసుంటాం. కానీ ఓ వరుడు.. కల్యాణ మండపానికి

Published : 14 Jul 2021 23:50 IST

ఇంటర్నెట్‌ డెస్క్‌: పెళ్లిలో సాధారణంగా అప్పగింతల సమయంలో వధువు భావోద్వేగానికి గురై ఏడవటం చూసుంటాం. కానీ ఓ వరుడు.. కాబోయే భార్యను చూసి భావోద్వేగానికి గురయ్యాడు. తన ప్రేయసి దరి చేరుతున్న వేళ అతడి మనసు పరవశించింది. గుండె నిండా ఆమెపై నింపుకొన్న ప్రేమ అతడి కన్నీటి రూపంలో బయటికొచ్చింది. ఈ మధురమైన సన్నివేశాన్ని వీడియో తీసి ఇన్‌స్టాగ్రామ్‌లో పోస్టు చేయగా.. ప్రస్తుతం అది వైరల్‌గా మారింది.

వీడియోలో.. ఓ పెళ్లి వేడుకలో వధువు కోసం వరుడు వేచి చూస్తున్నాడు. అందంగా ముస్తాబైన వధువు కల్యాణ వేదిక వైపు నడుచుకుంటూ రావడం చూసి వరుడు భావోద్వేగానికి గురయ్యాడు. మనసులో ఆమెపై ప్రేమ ఉప్పొంగటంతో అతడి కళ్లలో నీళ్లు తిరిగాయి. ఆ కన్నీటిని తుడుచుకుంటూ ఆమె వైపు చూశాడు. అంతే అతడిని చూసి వధువు సైతం కన్నీటిపర్యంతమైంది. వేదికపైకి రాగానే తన కోసం ఎదురుచూస్తున్న వరుడిని కౌగిలించుకొని అతడి కన్నీరు తుడిచింది. మనసు నిండా ఒకరిపై మరొకరు ప్రేమను నింపుకొన్న ఆ జంటను చూసినవారంతా కామెంట్లతో వారిని హృదయపూర్వకంగా దీవిస్తున్నారు. ఇన్‌స్టాగ్రామ్‌లో ఈ వీడియోను 74 వేల మందికి పైగా వీక్షించారు. 8580 మంది లైక్‌ చేశారు.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.