Agri data: రైతుల ఉత్పత్తి, ఉత్పాదకత, లాభాలను పెంచేందుకు.. అగ్రి డేటా!

కొత్త సాంకేతికతలను ఉపయోగించుకొని వ్యవసాయరంగాన్ని మరింత ఉన్నత స్థాయికి తీసుకెళ్లడంతో పాటు రైతులు, భాగస్వామ్యులకు మెరుగైన పరిస్థితులు కల్పించడమే లక్ష్యంగా రాష్ట్ర ప్రభుత్వం ఓ అడుగు ముందుకేసింది. ఆర్టిఫిషియల్ ఇంటెలిజెన్స్, డ్రోన్లు, ఉపగ్రహ ఛాయాచిత్రాల వంటి సాంకేతికతలను విస్తృతంగా వినియోగించి రైతుల ఉత్పత్తి, ఉత్పాదకత, లాభాలను పెంచాలన్నది సర్కార్ ఆలోచన. వీటిని వినియోగించేందుకు అత్యంత కీలక వనరైన డేటా సేకరణ, నిర్వహణ కోసం ప్రత్యేక విధానాన్ని తీసుకొస్తోంది.