News in Pics: చిత్రం చెప్పే సంగతులు-02(09-02-2023)

1/28

రామ్‌చరణ్‌ హీరోగా శంకర్‌ దర్శకత్వంలో తెరకెక్కుతున్న సినిమా ‘ఆర్‌సీ15’(వర్కింగ్‌ టైటిల్). ఈ సినిమా షూటింగ్‌ను గురువారం చార్మినార్‌ వద్ద నిర్వహించారు. సంబంధిత ఫొటోను శంకర్‌ తన ట్విటర్‌ ఖాతాలో పంచుకున్నారు.

2/28

రంగారెడ్డి జిల్లా శంషాబాద్‌ మండలం శ్రీరామనగరంలోని సమతామూర్తి స్ఫూర్తి కేంద్రం ప్రాంగణంలో సమతా కుంభ్‌-2023 బ్రహ్మోత్సవాలు ఘనంగా సాగుతున్నాయి. ఇందులో భాగంగా ప్రత్యేక పూజలు నిర్వహించగా.. భక్తులు పెద్దఎత్తున తరలివచ్చారు.

3/28

హైదరాబాద్‌లోని లుంబినీ పార్కులో గురువారం సాయంత్రం మ్యూజికల్ ఫౌంటేన్ ప్రారంభించారు. ఈ ఫౌంటేన్‌ ప్రదర్శన చూపరులను విశేషంగా ఆకట్టుకుంది.

4/28

5/28

ట్రాఫిక్‌ సిగ్నళ్లలో ఎరుపు లైటు పడిందనుకుంటున్నారా. అదేం లేదండి.. ఏలూరు జూట్‌ మిల్లు కూడలిలోని ట్రాఫిక్‌ సిగ్నల్‌ లైట్ల చెంత సాయంత్రం 5.30గంటలకు అస్తమిస్తున్న సూర్యుడు ఇలా కనువిందు చేశాడు.

6/28

అసెంబ్లీ సమావేశాలు నడుస్తున్న నేపథ్యంలో ప్రజాప్రతినిధులు, ఎమ్మెల్యేలను కలవడానికి వచ్చిన ప్రజలు హైదరాబాద్‌లోని అసెంబ్లీ చుట్టుపక్కల ఇలా రోడ్లపై కూర్చొని కనిపించారు.

7/28

అసెంబ్లీ సమావేశాలు చూడటానికి విద్యార్థినులు

8/28

తెలంగాణ-మహారాష్ర్ట సరిహద్దు ఆదిలాబాద్‌ జిల్లా భీంపూర్‌ మండలంలోని ప్రధాన అంతర్రాష్ర్ట రహదారి ఇలా గుంతలమయంగా మారింది. సుమారు 35 కిలోమీటర్లు మేర రోడ్డు అధ్వానంగా తయారైంది. పలుమార్లు ఫిర్యాదు చేసినా ప్రజాప్రతినిధులు, అధికారులు పట్టించుకోవడం లేదని ప్రయాణికులు వాపోతున్నారు..

9/28

విజయ్‌ ఆంటోని హీరోగా.. స్వీయ దర్శకత్వంలో తెరకెక్కుతున్న సినిమా ‘బిచ్చగాడు 2’. ఈ సినిమా ‘స్నీక్‌ పీక్‌ ట్రైలర్‌’ను శుక్రవారం సాయంత్రం 5 గంటలకు విడుదల చేయనున్నట్లు చిత్రబృందం తెలిపింది. గతంలో ఘన విజయం సాధించిన ‘బిచ్చగాడు’కు కొనసాగింపుగా ఈ సినిమా వస్తోంది.

10/28

చేతికొచ్చిన పంటను విక్రయించేంత వరకు అన్నదాతకు అవస్థలు తప్పడంలేదు. ఆదిలాబాద్‌ జిల్లా లిమ్‌గూడలోని ఓ రైతు గిట్టుబాటు ధరలు లేక పత్తిని ఇంటి నిండా నిల్వ చేసుకున్నారు. దీంతో ఇంట్లో చోటులేక రాత్రిళ్లు ఆరుబయట నిద్రపోవాల్సిన పరిస్థితి ఏర్పడింది. జిల్లాలో పత్తి సాగు చేస్తున్న రైతులందరిది పరిస్థితి ఇలాగే ఉంది..

11/28

హైదరాబాద్‌లోని జూబ్లీహిల్స్‌లో ‘ది ఫోర్స్‌ ఆఫ్‌ ఫిమేల్‌ ఫోర్టిట్యూడ్‌’ పేరుతో చర్చావేదిక నిర్వహించారు. కార్యక్రమంలో ఫరా ఖాన్, పింకీరెడ్డి, శుభ్ర మహేశ్వరీ, సినీనటులు అడివి శేషు, పూజా హెగ్డే పాల్గొన్నారు.

12/28

13/28

గుణదలలోని విజయవాడ కధోలిక గురు పీఠంలో ‘గుణదల మాత మహోత్సవం-2023’ నిర్వహిస్తున్నారు. ఇందులో భాగంగా పెద్దఎత్తున క్రైస్తవులు తరలివచ్చి ప్రార్థనలు చేశారు.

14/28

కల్యాణ్‌ రామ్‌, ఆషికా రంగనాథ్‌ జంటగా రాజేంద్రరెడ్డి దర్శకత్వంలో తెరకెక్కిన చిత్రం ‘అమిగోస్‌’. ఫిబ్రవరి 10న ప్రేక్షకుల ముందుకు రానుంది. ఈ నేపథ్యంలో చిత్రబృందం నిర్వహించిన ప్రీరిలీజ్‌ ప్రెస్‌ మీట్‌లో కల్యాణ్‌రామ్‌, ఆషికా ఇలా మెరిశారు.

15/28

హైదరాబాద్‌లోని మాదాపూర్‌లో నిర్వహిస్తున్న ఎలక్ట్రిక్‌ వాహనాల ఎగ్జిబిషన్‌లో ‘మహీంద్ర పినిన్‌ఫర్నియా బట్టిస్టా’ కారును మహీంద్ర సంస్థ యూరోప్‌ బిజినెస్‌ సీఈవో గురుప్రతాప్‌ బొపరాయి ఆవిష్కరించారు. ఈ కారు వినూత్న డిజైన్‌తో, అధునాతన హంగులతో సందర్శకుల దృష్టిని ఆకర్షించింది.

16/28

17/28

విశాఖలోని అంబేడ్కర్‌ జంక్షన్‌ నుంచి రైల్వే స్టేషన్‌ మార్గంలో అల్లిపురం వద్ద ప్రహరీలను జీవీఎంసీ ఆధ్వర్యంలో రంగు రంగుల చిత్రాలతో అందంగా అలంకరించారు. ఇవి చూపరులను విశేషంగా ఆకట్టుకుంటున్నాయి.

18/28

తుర్కియే, సిరియాల్లో భూకంప మరణాలు అంతకంతకూ పెరుగుతూ వస్తున్నాయి. పెద్ద పెద్ద భవనాలు నేలకూలాయి. దక్షిణ తుర్కియేలో రెండు రోజుల నుంచి శిథిలాల కింద సజీవంగా ఉన్న ఓ పసికందును సహాయక సిబ్బంది కాపాడారు.

19/28

దర్శకుడు దశరథ్‌ తాను రాసిన ‘కథారచన’ పుస్తకాన్ని ప్రముఖ సినీనటుడు పవన్‌కల్యాణ్‌కు కానుకగా అందజేశారు.

20/28

తెదేపా జాతీయ ప్రధాన కార్యదర్శి నారా లోకేశ్‌ ‘యువగళం’ పాదయాత్రలో భాగంగా చిత్తూరు జిల్లాలోని సంసిరెడ్డిపల్లెలో పర్యటించారు. ఈ సందర్భంగా ఆయన ఆత్మకూరులోని ముత్యాలమ్మ ఆలయాన్ని సందర్శించి ప్రత్యేక పూజలు చేశారు..

21/28

ప్రముఖ నటుడు మహేశ్‌బాబు, నమ్రత దంపతులు హైదరాబాద్‌లోని విమానాశ్రయంలో కనిపించి సందడి చేశారు.

22/28

23/28

తెలుగు క్రికెటర్ శ్రీకర్ భరత్‌ (KS Bharat) టెస్టు జట్టులోకి ఎంట్రీ ఇచ్చాడు. టీమ్‌ఇండియా (Team India) తరఫున ఆసీస్‌తో బోర్డర్‌ - గావస్కర్ (Border - Gavaskar) ట్రోఫీ తొలి టెస్టులో స్థానం దక్కింది. మ్యాచ్‌ మొదటి రోజు ఆట మొదలుపెట్టే ముందు ఆయన తన తల్లిని ఆలింగనం చేసుకున్నాడు.

24/28

ఆదాయార్జనశాఖలతో క్యాంపు కార్యాలయంలో సీఎం వైఎస్‌.జగన్మోహన్‌ రెడ్డి సమీక్ష నిర్వహించారు. సమీక్షలో సంబంధిత అధికారులు పాల్గొన్నారు.

25/28

హీరో ధనుష్‌, సంయుక్తా మేనన్‌లు (Samyuktha Menon) జంటగా వెంకీ అట్లూరి తెరకెక్కించిన చిత్రం ‘సార్‌’ (SIR). సూర్యదేవర నాగవంశీ, సాయి సౌజన్య సంయుక్తంగా నిర్మించారు. ఈ నేపథ్యంలోనే బుధవారం హైదరాబాద్‌లో విడుదలైన చిత్ర ట్రైలర్‌.. 18 గంటల వ్యవధిలోనే మిలియన్ల వ్యూస్‌ సంపాదించింది. ప్రస్తుతం ‘సార్‌’ ట్రైలర్‌ యూట్యూబ్‌లో ట్రెండింగ్‌ 01గా నిలిచింది. సినిమా ఈనెల 17న ప్రేక్షకుల ముందుకు రానుంది.

26/28

రోహిత్ శర్మ సారథ్యంలో భారత జట్టు.. ఆస్ట్రేలియాతో (Australia) నాలుగు టెస్టుల సిరీస్‌ను ఆడుతోంది. బోర్డర్ - గావస్కర్ ట్రోఫీలో (Border - Gavaskar) తొలి టెస్టుకు నాగ్‌పూర్‌ వేదికగా మారింది.

27/28

శుక్రవారం చేపట్టనున్న రాకెట్ ప్రయోగం విజయవంతం కావాలని తిరుపతి జిల్లా సూళ్లూరుపేటలోని చెంగాళమ్మ ఆలయంలో ఇస్రో అధిపతి డా. సోమనాథ్ ప్రత్యేక పూజలు నిర్వహించారు.

28/28

తుర్కియే, సిరియాల్లో భూకంప మరణాలు అంతకంతకూ పెరుగుతూ వస్తున్నాయి. బహుళ అంతస్తుల భవనాలు నేలకూలాయి. ఆ భవన శిథిలాల కింద ఎంతో మంది ప్రాణాలు గాల్లో కలిశాయి.