సంపద.. నాలుగు భాగాలు..

వారణాసి నగరాన్ని బ్రహ్మదత్తుడు పాలిస్తున్న కాలంలో బోధిసత్వుడు కర్షకుడిగా జన్మించాడు. అతనోరోజు పొలం దున్నుతుండగా నాగలికి ఏదో వస్తువు తగిలింది. తవ్వి చూస్తే నాలుగు మూరల పొడవున్న లోహస్తంభం కనిపించింది. శుభ్రం చేయగా అది స్వర్ణమని అర్థమై సంతోషించాడు. సూర్యాస్తమయానికి ఇంటికెళ్తూ స్తంభాన్ని తీసుకెళ్దామని ఎత్తబోతే బోధిసత్వుడి శక్తి చాలలేదు. ఏం చేయాలో పాలుపోక దిగులుగా కూర్చున్నాడు. ఇంతలో ఒక ఆలోచన తట్టింది. ‘దీనిలో కొంత భాగం జీవన అవసరాలు తీర్చుకోవడానికి, కొంత రేపటిరోజు కోసం దాచుకోవడానికి, ఇంకొంత వ్యాపారం చేసేందుకు, మిగిలింది దానధర్మాలకు’ అనుకుని నాలుగుభాగాలు చేశాడు. ఇక బోధిసత్వుడికి భారం తగ్గి, మోయడం సులభమైంది. ఇది ధనాన్ని ఎలా ఖర్చుచేయాలో బోధపరిచే కథ.

- అమ్ముల మోహిత్‌