పూలబావికి ఆ పేరు!

ధర్మ సందేహం
పూలబావికి ఆ పేరు!

తిరుమలలోని భూతీర్థం గురించి వివరించండి?

తిరుమల శ్రీనివాసుడు అలంకార ప్రియుడు. రకరకాల పూలతో స్వామిని అలంకరించడం చూస్తుంటాం. శ్రీహరికి సమర్పించిన తులసి, పుష్పహారాలను ప్రసాదంగా భక్తులకు ఇచ్చే సంప్రదాయం తిరుమలలో లేదు. ఆ పవిత్ర నిర్మాల్యాన్ని ఎవ్వరూ ఉపయోగించకుండా ఓ బావిలో నిమజ్జనం చేస్తారు. ఆ బావి పేరు ‘పూల బావి’. దీనినే భూతీర్థం అని కూడా పిలుస్తారు. ఈ తీర్థం.. భూదేవి వల్ల ఏర్పడిందని చెబుతారు. కాలాంతరంలో ఈ తీర్థం భూమిలో నిక్షిప్తమైపోయింది. శ్రీనివాసుని ఆనతిపై రంగదాసు అనే భక్తుడు ఒక బావిని తవ్వగా భూతీర్థం మళ్లీ వెలుగులోకి వచ్చిందని స్థల పురాణం తెలియజేస్తుంది.