ఆస్క్‌ ది ఎక్స్‌పర్ట్‌

నేను ఇంటర్‌ ఒకేషనల్‌ మెకానికల్‌ పూర్తి చేశాను. తర్వాత ఒక సంవత్సరం ఖాళీగా ఉన్నాను. మళ్లీ డిప్లొమా పూర్తి చేసి బీటెక్‌ చేశాను. ఈ విషయాన్ని ఓటీఆర్‌లో ఎలా నింపాలి?

-కాకా

జ: మీరు ఖాళీగా ఉన్న సంవత్సరాన్ని వదిలేసి చదువుకున్న సంవత్సరాలనే ఓటీఆర్‌లో నింపండి. సరిపోతుంది.

ఒకటో తరగతి నుంచి నాలుగో తరగతి వరకు నిజామాబాద్‌ జిల్లాలో, అయిదో తరగతి కామారెడ్డిలో, 6 నుంచి10వ తరగతి ఆంధ్రప్రదేశ్‌లో చదువుకున్నాను.నేను ఏ ప్రాంత స్థానికతను పొందుతాను?

- ఇఖిల్‌

జ: కొత్త నిబంధనల ప్రకారం ఒకటి నుంచి ఏడు తరగతుల్లోపు నాలుగు సంవత్సరాలు ఎక్కడ చదివితే అక్కడే లోకల్‌ అవుతారు. మీరు ఒకటి నుంచి నాలుగో తరగతి వరకు నిజామాబాద్‌లో చదివారు కాబట్టి ఆ జిల్లా స్థానికతనే పొందుతారు.

నేను 2014లో +2 పూర్తి చేశాను. కొన్ని కారణాల వల్ల డిగ్రీని కొనసాగించలేకపోయాను. మళ్లీ 2021లో ఓపెన్‌ యూనివర్సిటీ ద్వారా డిగ్రీ పూర్తి చేశాను. ప్రభుత్వ ఉద్యోగానికి దరఖాస్తు చేసుకోవడానికి అర్హత ఉందా?

- స్వాతి

జ: ప్రభుత్వ ఉద్యోగాలకు దరఖాస్తు చేసుకోవడానికి మీకు అర్హత ఉంది.

టీఎస్‌పీఎస్సీకి ప్రిపేర్‌ అవుతున్నాను. ప్రిపరేషన్‌లో భాగంగా ఎకనామిక్స్‌కి సంబంధించి తెలుగు అకాడమీతో పాటు ఏ పుస్తకాలను చదివితే బాగుంటుందో తెలియజేయండి.

- శంకర్‌ సుంకమ్‌

జ: ప్రాథమికంగా తెలుగు అకాడమీ పుస్తకాలపై పట్టు సాధించి, ప్రస్తుత ఆర్థిక అంశాలపై అప్‌డేటెడ్‌గా ఉండటానికి కేంద్ర, రాష్ట్ర బడ్జెట్లు, ఆర్థిక సర్వేలను చదవండి.