సాఫ్ట్‌వేర్‌కి మారాలంటే...

బీటెక్‌ సీఎస్‌ఈ పూర్తిచేశాను. మూడేళ్లు స్కూళ్లలో పనిచేశాను. ఇప్పుడు సాఫ్ట్‌వేర్‌ వైపు మారాలంటే ఎలా?

- ఎం.కీర్తి

* ఇటీవలి కాలంలో కంప్యూటర్‌ సైన్స్‌ చదివినవారు అవసరానికి మించిన సంఖ్యలో అందుబాటులో ఉన్నారు. చాలా సంస్థలు వారికి కావలసినవారిని ప్రాంగణ నియామకాల్లోనే తీసుకుంటున్నాయి. ఉద్యోగానుభవం ఉన్నవారిని మాత్రమే నేరుగా నియమించుకొంటున్నారు. మీరు బీటెక్‌ తరువాత స్కూళ్లలో పనిచేశారు కాబట్టి, నేరుగా సాఫ్ట్‌వేర్‌ రంగంలో ఉద్యోగం సాధించడం కొంత కష్టమే. మీ స్కూల్‌ ఉద్యోగానుభవం ఉపయోగపడేలా ఎడ్యుకేషన్‌ టెక్నాలజీలోకి ప్రవేశించే ప్రయత్నం చేయండి. ఈ రంగంలో టెక్నాలజీ పరిజ్ఞానం, సాఫ్ట్‌ స్కిల్స్‌, ఆన్‌లైన్‌ టీచింగ్‌ అండ్‌ లెర్నింగ్‌ టూల్స్‌, డిజిటల్‌ సెక్యూరిటీలపై పట్టు ఉండాలి. వీటితో పాటు యూజర్‌ ఎక్స్‌పీరియన్స్‌ డిజైన్‌, గేమిఫికేషన్‌, సాఫ్ట్‌వేర్‌ ఇంజినీరింగ్‌/ ప్రోగ్రామింగ్‌, కాంకరెంట్‌ ప్రోగ్రామింగ్‌, సెర్చ్‌ ఇంజిన్‌ ఆప్టిమైజేషన్‌, మొబైల్‌ యాప్‌ డెవలప్‌మెంట్‌, డేటా సైన్స్‌, సోషల్‌ మీడియా, ఇన్‌స్ట్రక్షనల్‌ డిజైన్‌లపైనా కొంత అవగాహన ఉండాలి. కొంత అనుభవం గడించాక, సాఫ్ట్‌వేర్‌ రంగంలోకి పూర్తిగా మారే ప్రయత్నం చేయండి.

- ప్రొ. బెల్లకొండ రాజశేఖర్‌, కెరియర్‌ కౌన్సెలర్‌