అంతకు మందు... ఆ తర్వాత!

బ్రహ్మిన్‌ మాత్‌ 

అతి పెద్ద మాత్‌ రకాల్లో ఇవీ ఒకటి. మన దేశంతోపాటు మయన్మార్‌, భూటాన్‌, చైనా, తైవాన్‌, జపాన్‌ల్లో కనిపిస్తుంటాయివి. ఔల్‌ మాత్‌ అనే పేరూ ఉంది.

చెరురా వినులా 

చిత్రమైన ముఖంతో ఉండే ఈ పురుగు నుంచే పెద్దగా రంగుల్లేని ఈ మాత్‌ వస్తుంది. ఈ పురుగు మీదికి ఏదన్నా దాడి చేస్తుందనుకున్నప్పుడు తోకల్ని పైకి పెట్టి భయపెట్టేస్తుంది.

అక్రగా కోవా మాత్‌ 

గాజులా మెరిసి పోతున్న పురుగు నుంచి వచ్చిన మాత్‌ సైతం అంతే చిత్రంగా ఉంటుంది. ఇవి ఎక్కువగా మెక్సికో, బెలీజ్‌, హోండూరస్‌, గూటమలా, కోస్టారికా, పనామా దేశాల్లో కనిపిస్తుంటాయి.

అటకస్‌ అట్లాస్‌ మాత్‌

మన అరచేతికంటే పెద్దగా ఉంటుందీ మాత్‌. రెక్కలు చాచితే 12 అంగుళాల పొడవుంటుంది. ఆసియాలోనే కనిపిస్తాయివి.

ఐవో మాత్‌ 

అమెరికా, కెనడాల్లో ఎక్కువగా కనిపించే పురుగులివి. ఒంటిని ఆకులతో కప్పుకొన్నట్టు కనిపిస్తాయి. వీటి నుంచి వచ్చే మాత్‌లు పెద్ద నల్ల మచ్చలతో ఉంటాయి.

గ్లాస్‌ వింగ్డ్‌ బటర్‌ఫ్లై 

పారదర్శకమైన రెక్కలతో ఉండే ఈ సీతాకోకచిలుకలు వాటి బరువుకు 40 రెట్లు బరువును మోయగలవు. ఇవి ఎక్కువగా దక్షిణ అమెరికాలో కనిపిస్తుంటాయి.