నవ్వుల్‌... నవ్వుల్‌...

నేను కూడా...

చింటు: టీచర్‌.. టీచర్‌.. నిన్న బంటీ క్లాసులోనే నిద్రపోయాడు టీచర్‌.
టీచర్‌: మరి నిన్ననే ఎందుకు చెప్పలేదు చింటూ...
చింటు: అప్పుడు నాకూ నిద్రవచ్చి.. నేనూ నిద్రపోయా టీచర్‌.
టీచర్‌: ఆఁ!!

అందుకే మరి!

(ఒక వ్యక్తి గతంలో తనిచ్చిన డబ్బులు తీసుకోవడానికి తన ఫ్రెండ్‌ ఇంటికి వెళ్లి డోర్‌ బెల్‌ మోగిస్తాడు. అప్పుడు ఒక పిల్లాడు బయటకు వస్తాడు..)
వ్యక్తి: బాబూ.. మీ నాన్న ఇంట్లో ఉన్నారా?
బాబు: లేడు అంకుల్‌. నాన్న ఆఫీస్‌కు వెళ్లారు.
వ్యక్తి: పోనీ మీ అన్నయ్య అయినా ఉంటాడు కదా. కాస్త పిలువు.
బాబు: లేడంకుల్‌.. అన్నయ్య కూడా క్రికెట్‌ ఆడుకోవడానికి గ్రౌండ్‌కు వెళ్లాడు.
వ్యక్తి: కనీసం మీ అమ్మగారినైనా పిలువు బాబు.
బాబు: అమ్మ రైతుబజార్‌కు వెళ్లింది అంకుల్‌.
(ఈ మాటలు వినగానే ఆ వ్యక్తికి చాలా కోపం వచ్చి...)
వ్యక్తి: మరి నువ్వెందుకు ఇంట్లో ఉన్నావ్‌. నువ్వు కూడా ఎటైనా వెళ్లకపోయావా?
బాబు: అందుకేగా అందరూ వెళ్లిపోయారని.. నేను ఇక్కడికి వచ్చింది. ఇది మా ఫ్రెండ్‌ ఇల్లు అంకుల్‌.

ఇదీ నిజమేగా!

టీచర్‌: టిప్పు సుల్తాన్‌ ఏ యుద్ధంలో చనిపోయాడు. టింకూ.. ఈ ప్రశ్నకు నువ్వు సమాధానం చెప్పు?
టింకు: ఆయన చేసిన ఆఖరి యుద్ధంలో టీచర్‌.
టీచర్‌: ఆఁ!!