నవ్వుల్‌.. నవ్వుల్‌.!

అందుకే తెచ్చా..!

నాన్న : ఏంటి చింటూ.. స్కూల్లో ఉండాల్సిన కుర్చీని ఇంటికి తెచ్చావు?

చింటు: అంటే నాన్నా.. మా టీచర్‌  ‘టేక్‌ యువర్‌ సీట్‌’ అన్నారు..

నాన్న : అయితే..?

చింటు: అందుకే తీసుకొని వచ్చేశా..!

అంతేగా..!

చంటి: బంటీ.. నేను ఓ ఫొటో చూపించి ప్రశ్న అడుగుతాను.. సరైన సమాధానం చెబుతావా?

బంటి: హా.. నువ్వు ముందు చూపించు చంటీ..

చంటి: ఇందులో ఉన్న పులి, పిల్లిలో ఏది పెద్దదో చెప్పు?

బంటి: నువ్వు ముందు వాటి ‘డేట్‌ ఆఫ్‌ బర్త్‌’ చెప్పు.. అప్పుడు చెబుతా..!

చంటి: ఆఁ..!

ప్రాక్టీస్‌ మరి..

నాన్న: పవన్‌.. బయట కనిపించిన వారినల్లా కాలితో తన్నాలని చూస్తున్నావట.. ఏంటా పిచ్చి పని?

పవన్‌ : నేను తన్నడం లేదు నాన్నా.. ఫుట్‌బాల్‌ ప్రాక్టీస్‌ చేస్తున్నానంతే..

నాన్న : ఆ..!!