నవ్వుల్‌.. నవ్వుల్‌...!

ఎప్పటి నుంచీ..?

చిన్ని: ఏంటి మిన్నీ.. అలా సైలెంట్‌గా ఉన్నావు?

మిన్ని: ఈరోజేం బాలేదు చిన్నీ.. ఈసారి కూడా పరీక్షల్లో మార్కులు తక్కువగా వచ్చాయి..

చిన్ని: బాధపడకులే.. నీకూ మంచి రోజులు వస్తాయి..

మిన్ని: అవునులే..

చిన్ని: అవునంటూ క్యాలెండర్‌ చూస్తావేంటి?

మిన్ని: అదే మంచిరోజులు ఎప్పటి నుంచి వస్తాయా.. అని చూస్తున్నా..!

అందుకే కోపం..!

అమ్మ: కిట్టూ.. ఈరోజు స్కూల్లో ఎలా గడిచింది?

కిట్టు: బాగానే గడిచింది కానీ, మా టీచర్‌ మీద కాస్త కోపంగా ఉందమ్మా..!

అమ్మ: దేనికి?

కిట్టు:నేను ఏ పని చేసినా సపోర్ట్‌ చేస్తానన్నారమ్మా..!

అమ్మ: మంచిదే కదా? దానికెందుకు కోపం?

కిట్టు: కానీ.. క్లాస్‌లో నిద్రపోతే కొట్టారమ్మా..!