ఇండోనేసియా.. రొయ్య వడియాలు!

మన భోజనంలో అప్పడాలు, వడియాలు ఎంత కామనో... ఇండోనేసియా భోజనంలో ప్రాన్‌ క్రాకర్స్‌ అంత సహజం. చూడ్డానికి మనం పెట్టుకునే పిండి వడియాల్లా ఉన్నాయి కదా! ఇవి రొయ్యలు, చేపలతో చేసిన వడియాలు...

ఇండోనేసియా, జావా, సుమత్రా ఎక్కడకు వెళ్లినా...ఈ రుచికరమైన ప్రాన్‌క్రాకర్స్‌ దొరుకుతాయి. దాదాపుగా పదో శతాబ్ధం నుంచీ ఈ వంటకాన్ని అక్కడ వండుతున్నారని ఆహార చరిత్రకారుడు ఫాడ్లీ రెహ్మాన్‌ చెబుతున్నాడు. చేపలు, రొయ్యపొట్టు, సగ్గుబియ్యం జావతో చేసిన వడియాలివి. వీటిని బ్రేక్‌ఫాస్ట్‌గా, చిరుతిళ్లుగా పక్కన సాస్‌లు పెట్టుకుని తింటూ ఉంటారు. స్థానికంగా వీటిని క్రుపక్స్‌ అంటారు. మనం ఏ దుకాణానికి వెళ్లినా చిరుతిండిలా ఇవి దొరకుతాయి. విదేశాలకూ ఎగుమతి అవుతుంటాయి. దాంతో ఆయా ప్రాంతాల వారికోసమని వివిధ రకాల రుచులు, ఆకృతుల్లో తయారుచేస్తున్నారు. కొన్నయితే అచ్చంగా మన జంతికల్లా ఉంటాయి.