ఎండు నెత్తళ్ల పచ్చడి...

ఫటాఫట్‌
ఎండు నెత్తళ్ల పచ్చడి...

కావాల్సినవి: ఎండు నెత్తళ్లు- 200గ్రా, కారం- చెంచా, ధనియాల పొడి- అరచెంచా, పసుపు- పావుచెంచా, నూనె- నాలుగు చెంచాలు, ఉప్పు- తగినంత, కరివేపాకు- రెండు రెమ్మలు, ఎండుచేపల్లో ఉప్పు ముందు నుంచి ఉంటుంది కాబట్టి ఉప్పు సరిచేసుకుని వేసుకోవాలి.

తయారీ: ఎండునెత్తళ్లని ఇసుక లేకుండా శుభ్రం చేసుకుని వేడినీటిలో ఇరవైనిమిషాల పాటు నానబెట్టుకోవాలి. తలలు తీసి శుభ్రం చేసి నీటిని వడకట్టి పావుగంటపాటు తడిలేకుండా చేసుకోవాలి. వీటికి ధనియాలపొడి, కారం, ఉప్పు, పసుపు పట్టించి పదినిమిషాల పాటు ఉంచాలి. ఒక పాత్రలో నూనె తీసుకుని వేడిచేసుకుని ఇందులో చేపలని దోరగా కరకరలాడేలా వేయించుకోవాలి. చివరిగా కరివేపాకుని వేసి దింపేయాలి.