చికెన్‌ ఆమ్లెట్‌

పాఠక వంట
చికెన్‌ ఆమ్లెట్‌

కావాల్సినవి: బోన్‌లెస్‌ చికెన్‌-100గ్రా, గుడ్డు- ఒకటి, పసుపు, ఉప్పు, కారం- తగినంత, ఉల్లిపాయ ముక్కలు- రెండు చెంచాలు, జీలకర్ర- పావుచెంచా, అల్లంతరుగు- పావుచెంచా, పచ్చిమిర్చి తరుగు- అరచెంచా, నూనె- తగినంత
తయారీ: ఉల్లిపాయలు, పచ్చిమిర్చి, అల్లం, చికెన్‌ వీటన్నింటిని చిన్నముక్కలుగా తరిగి పెట్టుకోవాలి. ఇప్పుడు కడాయిలో నూనె వేసుకుని అందులో ఉల్లిపాయముక్కలు, పచ్చిమిర్చి, అల్లం, పసుపు, చికెన్‌, జీలకర్ర వేసి వేయించుకోవాలి. అవి వేగాక ఉప్పు, కారం, గరంమసాలా కూడా వేసుకుని వేయించుకోవాలి. ఈ ముక్కలని ఒక గిన్నెలోకి తీసుకోవాలి. ఇప్పుడు పాన్‌లో నూనె వేసుకుని అందులో గుడ్డు పగలకొట్టి అట్టు పోసుకోవాలి. ఇందులో వేయించి పెట్టుకున్న చికెన్‌ ముక్కల్ని వేసుకుని  రోల్‌లా చుట్టుకుంటే సరి.

మీరూ రాయండి: ఆయా ప్రాంతాల్లోని నోరూరించే, సంప్రదాయ వంటకాలని పాఠకులు పంపిస్తే ప్రచురిస్తాం.