రోజ్‌హిప్‌టీతో....కీళ్లనొప్పులు దూరమిక!

అందం, ఆరోగ్యం కోసం... సంప్రదాయ టీ స్థానంలోకి హెర్బల్‌ టీలు వచ్చాయి. వాటిల్లోనూ యాంటీఆక్సిడెంట్లు ఎక్కువగా ఉండే రోజ్‌హిప్‌ టీ తీసుకోవడం వల్ల అధిక ప్రయోజనాలు పొందొచ్చు అంటున్నారు పోషకాహార నిపుణులు..
* సాధారణ హెర్బల్‌ టీలతో పోలిస్తే ఇందులో యాంటీఆక్సిడెంట్లు ఎక్కువగా ఉండటం వల్ల మనలో రోగనిరోధక శక్తి పెరుగుతుంది.
* రక్తంలోని ట్రైగ్లిజరాయిడ్లని అదుపుచేసి.. గుండెజబ్బులు రాకుండా చేస్తుంది. బరువుని అదుపులో ఉంచుతుంది.
* తుంటి, కీళ్లనొప్పుల నుంచి ఉపశమనం కలిగిస్తుంది. అంతర్గత వాపుల రాకుండా చూస్తుంది.
* ఈ టీని నిత్యం తాగేవారికి విటమిన్‌ సి, విటమిన్‌ ఇలు పుష్కలంగా అందుతాయి. ఈ విటమిన్లు... చర్మంలో సాగే గుణాన్ని పెంపొందించి వయసు ఛాయలని వెనక్కి నెడతాయి.