shahid: షాహిద్‌ ఊహలు.. ఏఐ మాయలు!

చాట్‌బోట్‌.. యువతలో ఇప్పుడో బజ్‌వర్డ్‌. చాట్‌ జీపీటీలాంటి కృత్రిమ మేధ (ఏఐ) బోట్‌లు అమ్మాయిల కోసం అందమైన కవితలు రాస్తున్నాయి. కొరుకుడు పడని పరిశోధనల సారమైనా క్షణాల్లో జనం ముందుంచుతున్నాయి. సాఫ్ట్‌వేర్‌ కోడింగ్‌లూ అలవోకగా రాసేస్తున్నాయి. అంతెందుకు అలనాటి అందాల యువ రామచంద్రుడి రూపాన్ని సైతం చెక్కుతున్నాయి. ఈ సాంకేతికతను ఉపయోగించుకొని.. ఏఐకి తన ప్రాణం లేని ఊహలిచ్చి ప్రాణం ఉట్టి పడేలా కొన్ని చిత్రాల్ని సృష్టిస్తున్నాడు షేక్‌ ఎండీ అబూ షాహిద్‌ అనే ఇన్‌స్టాగ్రామ్‌ ఇన్‌ఫ్లుయెన్సర్‌. వయసు ముదిరితే ప్రముఖ సెలెబ్రిటీలు ఎలా ఉంటారు? ఫిట్‌గా ఉంటే కుబేరులు ఎలా కండరగండడిలా కనిపిస్తారు? మగ బిలియనీర్లు అమ్మాయిలైతే ఎంత అందంగా ఆకట్టుకుంటారు? ఇలా చిత్రవిచిత్రమైన ఫొటోలు చాలానే సృష్టించాడు షాహిద్‌. అంతర్జాలంలో వైరల్‌గా మారిన కొన్ని ఫొటోలు ఇవి.