బడ్జెట్ వివరాలు: యాప్‌లో వీక్షించండి

ట్వీట్ చేసిన ఓం బిర్లా

దిల్లీ: కేంద్ర ఆర్థికమంత్రి నిర్మలాసీతారామన్ మరికొద్ది సేపట్లో వార్షిక బడ్జెట్‌ను ప్రవేశపెట్టనున్నారు. చరిత్రలోనే మొదటిసారిగా ఈసారి బడ్జెట్ కాగితరహితంగా రానుంది. ఈ నేపథ్యంలో బడ్జెట్ వివరాలను ఆన్‌లైన్‌లో వీక్షించవచ్చని లోక్‌సభ స్పీకర్ ఓం బిర్లా ట్విటర్ వేదికగా వెల్లడించారు.

‘ఈ రోజు ఉదయం 11 గంటలకు ఆర్థిక మంత్రి నిర్మలాసీతారామన్ కేంద్ర బడ్జెట్‌ను ప్రవేశపెట్టనున్నారు. చరిత్రలో తొలిసారి ఈ బడ్జెట్‌ను డిజిటల్ ఫార్మాట్‌లో సమర్పిస్తున్నాం. దానికి సంబంధించిన ప్రతులు indiabudget.gov.in పోర్టల్‌ లేక యూనియన్ బడ్జెట్ మొబైల్ యాప్‌లో అందుబాటులో ఉండనున్నాయి’ అని బిర్లా ట్వీట్ చేశారు. వాటిని డౌన్‌లోడ్ చేసుకునే వీలుకూడా ఉంది. కరోనా కారణంగా ఈ సమావేశాలు కాగితరహితంగా మారడంతో..సభ్యులకు కూడా బడ్జెట్ సాఫ్ట్ కాపీలు అందించనున్నారు. ఆర్థిక మంత్రి సంప్రదాయ బాహీఖాటాను వదిలి స్వదేశీట్యాబ్‌తో పార్లమెంట్‌కు బయల్దేరారు.

ఇవీ చదవండి:

బడ్జెట్ ‘ట్యాబ్‌’తో నిర్మలమ్మ