నియో బ్యాంకులు ఇప్పటి తరం వారికి ఎలా ఉపయోగపడుతున్నాయి?
బ్యాంకింగ్ సౌలభ్యాన్ని అనేక విధాలుగా ఆస్వాదించవచ్చు,
బ్యాంకులో ఏదైనా పని ఉంటే బ్యాంకుల చుట్టూ పొద్దున్నుంచి సాయంత్రం వరకు వరుసలోనిలబడే రోజులు పోయాయి. లావాదేవీలు, సర్వీసుల విధానం పూర్తిగా మారిపోయింది. బ్యాంకులు ఇప్పటి సాంకేతికతను అందిపుచ్చుకునేందుకు ప్రయత్నిస్తున్నప్పటికీ ఆర్థిక సంస్థలు లేదా నియోబ్యాంకులు వాటికంటే ముందే ఉంటున్నాయి.
బ్యాంకులు డిపాజిట్లు, రుణాలు, క్రెడిట్ కార్డులు, డెబిట్ కార్డులు వంటి అన్ని రకాల సదుపాయాలను అందిస్తాయి.
కానీ ఆర్థిక సంస్థలు బ్యాంకుకు రావాల్సిన అవసరం లేకుండానే ఆన్లైన్లో అన్ని సేవలు పొందే అవకాశాన్ని కల్పిస్తున్నాయి. ఈ ఫిన్టెక్ కంపెనీలను నియో బ్యాంకులుగా సూచిస్తారు. సాంప్రదాయ బ్యాంకులు అందించే సేవలతో పాటు ఖర్చులు, వ్యయాలు, పొదుపులు వంటి వివరాలను అందిస్తున్నాయి. అన్ని వివరాలను, డాక్యుమెంట్లను ఒకేచోట పొందవచ్చు.
పాత తరం వినియోగదారులకు ఈ సాంప్రదాయ బ్యాంకింగ్ సేవలు అలవాటుగా మారినప్పటికీ, ఇప్పటి తరం వారు తమకు అవసరమైన వస్తువులు, సేవలు అన్నీ ఆన్లైన్లోనే పొందుతున్న నేపథ్యంలో నియో బ్యాంకులు చాలా సౌకర్యవంతంగా మారాయి. ఇప్పుడు మిలీనియల్స్, జనరేషన్ జడ్ వారికి అప్పటిలాగా బ్యాంకుల వద్ద గంటల తరబడి వేచి చూసేంత ఓపిక కూడా లేదు. ఏదైనా క్షణాల్లో జరిగిపోవాల్సిందే. దీంతో ఆన్లైన్ బ్యాంకింగ్కు అలవాటు పడ్డారు.
ఇవి కేవలం బ్యాంకింగ్ సేవలనే అందించడం కాకుండా ఆదాయాన్ని, వ్యయాల్ని కూడా అంచనావేసి ఎవరికి తగిన ప్రణాళికను వారికి అందిస్తున్నాయి. ఈ నియో బ్యాంకులు రోబోటిక్స్ సాయంతో ఆర్టిఫీషియల్ ఇంటెలిజెన్స్ ఉపయోగించి తక్కువ మానవ వనరులతో పనిచేస్తాయి.
ఈ డిజిటల్ తరం వారు విలాసాలకు, సౌకర్యాలకు డబ్బు అధికంగా ఖర్చు చేస్తున్నారు. సోషల్మీడియా ప్రభావంతో స్మార్ట్ఫోన్ల సాయంతో సాంకేతికతకు ఎప్పటికప్పుడు అప్డేట్ అవుతున్నారు. నియో బ్యాంకులు - బ్యాంకింగ్ ప్రపంచంలో సరికొత్త ప్రవేశం, సాంకేతిక పరిజ్ఞానంతో విడదీయరాని నేటి పరిస్థితులలో మనం చూసే మార్పులకు ఇది అనుగుణంగా ఉంది. నేడు ఫిన్టెక్ మార్కెట్లోని ప్రతి నియో బ్యాంక్, వినియోగదారు కేంద్రీకృత ఉత్పత్తిని, సేవలను అందిస్తుంది,
నియో బ్యాంకులు బ్యాంకింగ్ లావాదేవీని వేగవంతం చేయడమే కాకుండా, ఆర్థిక నిర్వహణను సులభతరం చేసే ఇతర సేవలను కూడా అందిస్తాయి.
సులభంగా ఖాతా ప్రారంభించే సదుపాయం, తక్కువ ఛార్జీలు వీటితో మరో అదనపు ప్రయోజనం. కమీషన్ రహిత మ్యూచువల్ ఫండ్లు, నిర్వహణ, తక్షణ రునాలు, ఆర్థిక ప్రణాళిక వినియోగదారునికి తగినది అందిస్తున్నాయి.
కరెన్సీ విలువకు సంబంధించి మిలీనియల్స్ అవసరం కూడా నియో-బ్యాంకుల సహాయంతో నెరవేరుతుంది. విద్య కోసం విదేశాలకు వెళ్లే విద్యార్ధులు దీని నుంచి ఎక్కువ ప్రయోజనం పొందుతారు, ఎందుకంటే బ్యాంక్ అక్కడ స్థానికంగా ఖర్చు చేయడానికి అనుమతిస్తుంది, తద్వారా లావాదేవీల కోసం తక్కువ ఖర్చుతో కూడుకున్న విధానాన్ని ఎంచుకోవడానికి సహాయపడుతుంది.
నియో బ్యాంకింగ్ విధానం మిలీనియల్స జీవితాలలో సరైన సమయంలో వస్తోంది, ఎందుకంటే వారు సాంకేతిక పరిజ్ఞానం కలిగిన వినియోగదారులైనందున, దాని సరళత, తక్షణ వినియోగానికి ఆకర్షితులవుతారు. నియో బ్యాంకులు కొత్త బ్యాంక్ అకౌంట్ ప్రారంభించేటప్పుడు లేదా మెరుగైన క్రెడిట్ స్కోర్ను నిర్మించే సౌలభ్యాన్ని కూడా అందిస్తున్నాయి. ఇప్పటివరకు క్రెడిట్ చరిత్ర లే లేనివారికి ఇది ఉపయోగకరంగా ఉంటుంది.
మీ ఫోన్లోని యాప్ ద్వారా బ్యాంకింగ్ సేవలన్నీ లభిస్తుంటే, మీ ఆదాయం, ఖర్చును అంచనా వేయడానికి అదనపు సేవలను కూడా పొందుతుంటే ఇంకేం కావాలి. ఉదాహరణకు, నేడు, బ్యాంకింగ్ యాప్లు వినియోగదారులకు తగిన ఆర్థిక ప్రణాళికను అందించడంతో పాటు, ఎక్కువగా ఖర్చు చేస్తున్నప్పుడు హెచ్చరికలను కూడా జారీచేస్తున్నాయి. బిల్లులు, ఈఎంఐలు, రుణాలు మొదలైనవి సకాలంలో తిరిగి చెల్లించాలని మీకు గుర్తు చేయడానికి రిమైండర్లను పెట్టుకోవచ్చు. వినియోగదారులు క్రెడిట్ స్కోర్ను తెలసుకునేందుకు, ఉచిత క్రెడిట్ నివేదికలు, మరిన్ని పొందడానికి అదనపు మార్గాలు ఉన్నాయి. డిజిటల్గా అందుబాటులో ఉన్న ప్రతిదానితో, నేడు పనిచేస్తున్న యువ ఉద్యోగి లేదా విద్యార్థి తమ డబ్బుతో ఏమి చేస్తున్నారో కూడా తెలుసుకోవచ్చు. వారి యాప్ లేదా ఇమెయిల్లో విశ్లేషణల నివేదికలను చూడవచ్చు. బ్యాంకింగ్ సౌలభ్యాన్ని అనేక విధాలుగా ఆస్వాదించవచ్చు,
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
ప్రపంచకప్నకు టీమ్ ఇండియా... రోహిత్, విరాట్కి కాకుండా అతనికే ఎక్కువ ఓట్లు!
-
శ్రుతిహాసన్ అతడికి బ్రేకప్ చెప్పేశారా..?
-
ఎయిర్ గెశ్చర్స్తో రియల్మీ నుంచి బడ్జెట్ కొత్త ఫోన్
-
రివ్యూ: రత్నం.. విశాల్ నటించిన యాక్షన్ డ్రామా మెప్పించిందా?
-
డీజీసీఏ కొత్త రూల్.. విమాన టికెట్ల ధరలు తగ్గుతాయా?
-
‘వీవీప్యాట్ల’పై సుప్రీం తీర్పు.. విపక్షాలకు గట్టి చెంపదెబ్బ: మోదీ