HDFC Bank: నెలలోనే 4 లక్షల కొత్త కార్డుల జారీ 

ఈనాడు, హైదరాబాద్‌: క్రెడిట్‌ కార్డుల మార్కెట్లో తమ వాటాను తిరిగి సాధించేందుకు ప్రయత్నిస్తున్నట్లు హెచ్‌డీఎఫ్‌సీ బ్యాంక్‌ వెల్లడించింది. అనేకసార్లు సాంకేతిక సమస్యలు తలెత్తుండటంతో కొత్త క్రెడిట్‌ కార్డులు జారీ చేయకుండా గత డిసెంబరులో ఈ బ్యాంకుపై ఆర్‌బీఐ నిషేధం విధించింది. తిరిగి ఆగస్టు మధ్యలో కార్డుల జారీ చేసేందుకు అనుమతినిచ్చింది. ఈ నేపథ్యంలో స్వల్ప కాలంలోనే (సెప్టెంబరు 21 నాటికి) నాలుగు లక్షలకు పైగా కొత్త క్రెడిట్‌ కార్డులను ఖాతాదారులకు జారీ చేసినట్లు బ్యాంకు డిజిటల్‌ బ్యాంకింగ్, ఐటీ, పేమెంట్స్‌ హెడ్‌ పరాగ్‌ రావు తెలిపారు.