cryptocurrency: క్రిప్టో రంగాన్ని ప్రోత్సహించే ఉద్దేశం లేదు: కేంద్రం

దిల్లీ: క్రిప్టో కరెన్సీ రంగాన్ని ప్రోత్సహించే ఉద్దేశమేదీ లేదని కేంద్రం స్పష్టంచేసింది. పార్లమెంట్‌లో క్రిప్టో కరెన్సీ నియంత్రణ బిల్లును ప్రవేశ పెట్టనున్న వేళ ఈ వ్యాఖ్యలు చేసింది. ఈ మేరకు పార్లమెంట్‌లో ఓ సభ్యుడు అడిగిన ప్రశ్నకు కేంద్ర ఆర్థిక శాఖ సహాయ మంత్రి పంకజ్‌ చౌధరి లిఖిత పూర్వక సమాధానమిచ్చారు.

నమ్మదగిన క్రిప్టో కరెన్సీని ఎలా గుర్తిస్తారు? క్రిప్టో మార్కెట్‌ను ఎలా నియంత్రిస్తారనే మరో ప్రశ్నకు ఆయన బదులిచ్చారు. ప్రస్తుతం క్రిప్టో కరెన్సీలపై దేశంలో నియంత్రణేదీ లేదని పేర్కొన్నారు. క్రిప్టో కరెన్సీ రంగానికి సంబంధించిన డేటా ఏదీ లేదని ప్రభుత్వం సేకరించడం లేదని చెప్పారు. ప్రస్తుత శీతాకాల సమావేశాల్లోనే ఈ బిల్లును తీసుకురానున్నట్లు వెల్లడించారు. కేంద్రం తీసుకురాబోయే డిజిటల్‌ కరెన్సీ గురించి కూడా మరో ప్రశ్నకు సమాధానమిచ్చారు. నగదుపై ఆధారపడడం తగ్గించడానికి ఈ డిజిటల్‌ కరెన్సీ ఉపయోగపడుతుందన్నారు. తక్కువ ఖర్చుతో ఎక్కువ మొత్తంలో లావాదేవీలు చేయడానికి వీలు పడడమే కాకుండా.. సెటిల్‌మెంట్‌ రిస్క్‌ కూడా దీనివల్ల తగ్గుతుందని చెప్పారు.

Read latest Business News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని