ఆర్థిక భద్రత కోసం పెట్టుబడుదారులు ఏం చేయాలి?
పెట్టుబడుదారులు ఈ సమయంలో తెలివైన నిర్ణయాలు తీసుకోవాలి.....
పెట్టుబడుదారులు ఈ సమయంలో తెలివైన నిర్ణయాలు తీసుకోవాలి.
ఇప్పుడు లాక్డౌన్ సమయంలో ఇంటి నుంచి పనిచేస్తూ అందరూ ఈ కరోనావైరస్ సంక్షోభం ముగిసిన తర్వాత మన చుట్టూ ఉన్న విషయాలు ఎలా మారబోతున్నాయని ఆలోచిస్తుంటారు.
ఇలాంటి కరోనా వంటి సందర్బాల్లో ప్రశాంతంగా ఉండటం, విషయాలను తెలివిగా నిర్వహించడం చాలా ముఖ్యం. ఇదే సూత్రాన్ని మార్కెట్ల విషయానికి కూడా ఆపాదించాలి. మార్కెట్లలో ప్రస్తుత అనిశ్చితి ఉన్నప్పటికీ, ఏ పరిస్థితులలోనైనా ఆర్థిక రక్షణ తప్పనిసరి అని నిపుణులు సూచిస్తున్నారు. పెట్టుబడుదారులు ఈ సమయంతో తెలివైన నిర్ణయాలు తీసుకోవాలి.
ఇప్పుడు మదుపర్లు ఏం చేయాలి ఏం చేయకూడదు?
మార్కెట్లు ప్రతి కొన్నేళ్లకు ఒకసారి ఏదో ఒక సంక్షోభంతో కుప్పకూలుతున్నాయి. ఈ సమయంలో స్టాక్ల ధరలు ప్రాథమిక ధరల కంటే దిగువకు పడిపోతున్నాయి. మార్కెట్లలో అనిశ్చితి ఏర్పడినప్పుడు భావోద్వేగాలకు గురవుతున్నారు.
భయాన్ని అధిగమించి పెట్టుబడి నిర్ణయాలు తీసుకోవడం చాలా సహాయపడుతుంది. దీర్ఘకాలిక లక్ష్యాల కంటే స్వల్పకాలిక వార్తలకు ఎక్కువ ప్రాముఖ్యత ఇవ్వడంలో పొరపాటు చేసే సమయం ఇది. మార్కెట్ పడినప్పుడు పెట్టుబడిదారుడు విజయవంతమైన పెట్టుబడి కోసం ఉపయోగించుకోవాలి. ముఖ్యంగా పెట్టుబడుదారులకు సహనం అవసరం. ఈ సమయంలో పెట్టుబడి పెట్టడం వల్ల కలిగే ప్రయోజనాలను గ్రహించడానికి సహనం, దీర్ఘకాలిక పెట్టుబడి లక్ష్యాలను కలిగి ఉండాలి.
మార్కెట్లు పడిపోయినప్పుడు పెట్టుబడులను ఉపసంహరించుకోకూడదు. కానీ ఖర్చులు తగ్గించుకొని వీలైతే సిప్ ప్రారంభించాలి. మార్కెట్లలో అనిశ్చితి ఎదురైనప్పుడు సిప్ పెట్టుబడులు ఉపయోగపడతాయి. ఇప్పటికే ఉన్న సిప్లను వెనక్కి తీసుకుంటే ఈ సమయంలో ప్రయోజనాలు కోల్పోతారు. ఇవన్నీ ఏం చేయకపోతే, కనీసం మార్కెట్లు లాభపడేంతవరకు పెట్టుబడులను విక్రయించకూడదు. అదేవిధంగా కొనసాగించాలి. పొదుపు, పెట్టుబడి ప్రణాళికలను స్వల్పకాలిక అస్థిరత నిరోధించకూడదు.
యులిప్స్ వంటి మార్కెట్ ఆధారిత బీమా పాలసీల్లో పెట్టుబడులు పెడుతున్నవారు మార్కెట్ల అనిశ్చితితో సంబంధం లేకుండా సమయానికి ప్రీమియం చెల్లించాలి. పెట్టుబడులను మరోసారి సమీక్షించుకోవాలి. టర్మ్ పాలసీలతో జీవిత బీమా హామీ ప్రయోజనాలను పొందవచ్చు. జీవిత బీమా పాలసీలు సాధారణంగా డెట్ పెట్టుబడులకు కేటాయిస్తారు కాబట్టి రిస్క్ తీసుకోలేనివారికి ఇదే మంచిది. అదే యులిప్ అయితే ఈక్విటీ మార్కెట్లపై ఆధారపడి ఉంటాయి. అందుకే ఎక్కువ రాబడి పొందవచ్చు. ఇందులో పెట్టుబడుదారులకు ఫండ్లను ఎంచుకునే ఆప్షన్ ఉంటుంది.
అన్ని జీవిత బీమా పాలసీలు దీర్ఘకాలిక ప్రయోజనాల కోసమే రూపొందించినవి. అయితే స్విచ్ ఆప్షన్తో పెట్టుబడులను ఒక ఫండ్ నుంచి మరో ఫండ్కు మార్చుకోవచ్చు. యులిప్ పెట్టుబడిదారులు తమ డబ్బు సమర్థవంతమైన చేతుల్లో సురక్షితంగా ఉన్నందున, ఇతర భావోద్వేగాలకు, భయాందోళనలకు గురికాకుండా ప్రయోజనం పొందవచ్చు. అందువల్ల, పెట్టుబడి పెట్టడం, చెల్లింపులను క్రమం తప్పకుండా క్రమశిక్షణతో కొనసాగించడం పెట్టుబడిదారులకు ప్రస్తుత మార్కెట్ కదలికల ప్రభావాలను అధిగమించడానికి సహాయపడుతుంది. మార్కెట్ అస్థిరత దీర్ఘకాలికంగా సమం అవుతుందని చారిత్రాత్మకంగా నిరూపించబడింది. అందువల్ల, మీ దీర్ఘకాలిక లక్ష్యాలపై దృష్టి పెట్టండి.
ఆర్థిక భద్రతను ఎలా నిర్ధారించాలి?
ఆర్థిక భద్రతను నిర్ధారించడానికి, మొదటి దశ పెట్టుబడి లక్ష్యాన్ని గుర్తుంచుకోవడం. పెట్టుబడిదారులకు వారి ఆర్థిక లక్ష్యాల సాధనకు బాగా సరిపోయే పెట్టుబడి సాధనాలను షార్ట్లిస్ట్ చేయడానికి ఇది సహాయపడుతుంది. దీర్ఘకాలిక లక్ష్య-ఆధారిత పెట్టుబడిలో, మార్కెట్ అస్థిరత సానుకూలంగా మారుతుందని పెట్టుబడిదారులు గ్రహించాలి. అస్థిర సమయాల్లో వివేకవంతమైన విధానం అవసరం.
రెండవది, మీ పెట్టుబడులు బాగా వైవిధ్యంగా ఉన్నాయని నిర్ధారించుకోండి. పెట్టుబడిదారులు పోర్ట్ఫోలియోను క్రమంగా సమీక్షించాలి. మంచి అవకాశం ఉన్న రంగాలలో కేటాయింపులను పెంచడానికి ప్రణాళికలో వ్యూహాత్మకతను కనబరచాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (27/04/24)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్