మోటారు బీమా క్లెయిమ్స్ ప‌రిష్కారానికి `ఆటోమోవిల్‌` యాప్‌

మోటార్ ఇన్సూరెన్స్ కొనుగోలుదారులు త‌మ ఇన్సూరెన్స్ క్లెయిమ్స్‌ని సుల‌భంగా ప‌రిష్క‌రించుకోవ‌డానికి వీలుగా క్లెయిమ్‌ యాప్‌ను సార్ట‌ప్ సంస్థ `ఆటోమోవిల్‌` ప్రారంభించింది. ఈ ఆన్‌లైన్ ప్లాట్‌ఫామ్‌ ల‌క్ష‌కు పైగా ఏజంట్ల‌తో ఇంట‌ర్‌ఫేస్‌ను అందిస్తుంది. ప్ర‌స్తుతం ఆండ్రాయిడ్ ఫోన్‌ల‌కు అందుబాటులో ఉంద‌ని `ఆటోమోవిల్‌` ప్ర‌తినిధి తెలిపారు.

ఇన్సూరెన్స్ కంపెనీలు, వారి వినియోగదారులతో స‌హా అంద‌రికీ సిస్ట‌మ్‌లో మ‌రింత సామ‌ర్ధ్యాన్ని తీసుకురావ‌డం ద్వారా బీమా క్లెయిమ్ ఖ‌ర్చుల‌ను త‌గ్గించ‌డం ఈ యాప్ ప్ర‌ధాన ల‌క్ష్యం. మొబిలిటీ స్టార్ట‌ప్ `ఆటోమోవిల్‌` దేశ‌వ్యాప్తంగా ఉన్న అన్ని మోటారు బీమా ఏజెంట్లు, బ్రోక‌ర్ల కోసం యాక్సిడెంట్ క్లెయిమ్‌ల న‌మోదు, ప్రాసెసింగ్ కోసం మొబైల్ అప్లికేష‌న్‌ను ప్ర‌వేశ‌పెట్టిన‌ట్లు కంపెనీ ప్ర‌తినిధి తెలిపారు.

ఈ యాప్ ఈ ఏడాది జూన్ నాటికి `ఐఓఎస్‌` ఆప‌రేటింగ్ సిస్ట‌మ్ వినియోగ‌దారుల‌కు కూడా అందుబాటులో ఉంటుంది. ఈ మొబైల్ అప్లికేష‌న్ పూర్తి మోటారు బీమా ప్లాట్‌ఫామ్‌గా ప‌ని చేస్తుంది. భార‌త‌దేశం అంత‌టా మోటార్ క్లెయిమ్‌ల‌ను నిర్వ‌హించ‌డంలో అగ్ర‌గామిగా ఉన్న ఈ స్టార్ట‌ప్ సంస్థ‌, మిగ‌తా స‌ర్వీస్ ప్రొవైడ‌ర్ల‌తో పోలిస్తే 40% కంటే త‌క్కువ ఖ‌ర్చు తో సేవ‌ల‌ను అందిస్తోంద‌ని ఈ కంపెనీ ప్ర‌తినిధి తెలిపారు. 2016లో కార్య‌క‌లాపాలు ప్రారంభించిన `ఆటోమోవిల్‌` 20 న‌గ‌రాల్లో ఉనికిని క‌లిగి ఉంది. నెల‌కు దాదాపు 4 వేల మంది కార్ల య‌జ‌మానుల‌కు ఇన్సూరెన్స్, ఇత‌ర‌ సేవ‌ల‌ను అందిస్తోంది.