వరుసగా 12వ రోజు.. ఇంధన ధరలు పైకే!

దిల్లీ: దేశంలో ఇంధన ధరల పెరుగుదల కొనసాగుతోంది. అంతర్జాతీయంగా ముడి చమురు ధరల పెరుగుదల నేపథ్యంలో దేశీయ  చమురు సంస్థలు శనివారం మరోసారి ఇంధన ధరలను పెంచాయి. లీటర్‌ పెట్రోల్‌పై 39పైసలు, డీజిల్‌పై 37 పైసలు పెంచాయి.  కాగా ఇంధన ధరలు పెరగడం వరుసగా ఇది 12వ రోజు కావడం గమనార్హం. తాజాగా పెరిగిన ధరలతో దిల్లీలో లీటర్‌ పెట్రోల్‌ రూ.90 మార్కును దాటింది. అక్కడ లీటర్‌ పెట్రోల్‌ ధర రూ.90.58గా, డీజిల్‌ ధర రూ.80.97గా నమోదైంది. హైదరాబాద్‌లో లీటర్‌ పెట్రోల్‌ ధర రూ.94.18, డీజిల్‌ ధర రూ.88.31గా నమోదైంది. కాగా ఇంధన ధరలు వరుసగా పెరుగుతుండటంతో దేశవ్యాప్తంగా వినూత్న రీతుల్లో నిరసనలు వెల్లువెత్తుతున్నాయి. పెట్రో ధరల పెంపు తమ జీవితాలపై పెను భారం మోపుతోందని ప్రజలు ఆందోళన వ్యక్తం చేస్తున్నారు. 

ఇవీ చదవండి..

అంగారకుడిపై నవ్య చరిత్ర

బంగారంపై రుణమా?ఇవి గుర్తుంచుకోండి