ఆసియా అపర కుబేరుడు ముకేశ్‌ అంబానీ

హిండెన్‌బర్గ్‌ ఉదంతంతో వెనక్కివెళ్లిన అదానీ

దిల్లీ: ప్రపంచ అగ్రగామి కుబేరుల్లో ఒకరిగా.. ఆసియాలో, భారత్‌లో అత్యంత సంపన్నుడిగా ఉన్న అదానీ తన స్థానాన్ని కోల్పోయారు. హిండెన్‌బర్గ్‌ నివేదిక అనంతరం అదానీ గ్రూప్‌ కంపెనీల మార్కెట్‌ విలువ రూ.7 లక్షల కోట్ల మేర తగ్గడం ఇందుకు నేపథ్యం. ఫలితంగా రిలయన్స్‌ ఇండస్ట్రీస్‌ అధిపతి ముకేశ్‌ అంబానీ తిరిగి అగ్రస్థానానికి చేరారు. వారం కిందటి వరకూ ఫోర్బ్స్‌ బిలియనీర్‌ జాబితాలో ప్రపంచంలోనే మూడో స్థానంలో ఉన్న అదానీ బుధవారం నాటికి 15వ స్థానానికి పడిపోయారు. గతేడాది సంపాదించిన 44 బిలియన్‌ డాలర్లను ఒక్క వారంలో పోగొట్టుకున్న అదానీ 75.1 బిలియన్‌ డాలర్ల సంపదతో మిగిలారు.