ఫ్రాంక్లిన్‌ టెంపుల్టన్‌ రూ.231 కోట్లు పంపిణీ

దిల్లీ: రద్దు చేసిన 6 డెట్‌ మ్యూచువల్‌ ఫండ్‌ పథకాల యూనిట్‌ హోల్డర్లకు రూ.231.13 కోట్ల నగదు పంపిణీ చేయనున్నామని ఫ్రాంక్లిన్‌ టెంపుల్టన్‌ అసెట్‌ మేనేజ్‌మెంట్‌ (ఇండియా) ప్రై.లి. ప్రెసిడెంట్‌ సంజయ్‌ సాప్రే సోమవారం వెల్లడించారు. ఇప్పటి వరకు ఈ 6 పథకాల్లో మదుపు చేసిన వారికి రూ.26,098 కోట్లు పంపిణీ చేసినట్లు పేర్కొన్నారు. 2021 ఫిబ్రవరిలో రూ.9,122 కోట్లు, ఏప్రిల్‌లో రూ.2,962 కోట్లు, మేలో రూ.2,489 కోట్లు, జూన్‌లో రూ.3,205 కోట్లు, జులైలో రూ.3,303 కోట్లు, సెప్టెంబరులో రూ.2,918 కోట్లు, నవంబరులో రూ.1,115 కోట్ల చొప్పున పంపిణీ చేసినట్లు వివరించారు.