స్పెక్ట్రమ్‌ వేలానికి జియో రూ.10,000 కోట్ల డిపాజిట్‌

భారతీ, వొడాఫోన్‌లూ ఇచ్చాయ్‌

దిల్లీ: మార్చి 1 నుంచి మొదలయ్యే స్పెక్ట్రమ్‌ వేలానికి రిలయన్స్‌ జియో, భారతీ ఎయిర్‌టెల్‌, వొడాఫోన్‌ ఐడియాలు మొత్తం రూ.13,475 కోట్ల నగదు డిపాజిట్‌(ఈఎమ్‌డీ)ను సమర్పించాయి. ఆ మేరకు టెలికాం విభాగం గురువారం సమాచారం ఇచ్చింది. వేలానికి ఉంచిన మొత్తం స్పెక్ట్రమ్‌ కొనుగోలు అర్హతకు చెల్లించాల్సిన మొత్తంలో ఈ ఈఎమ్‌డీ విలువ నాలుగో వంతుకు దగ్గరగా ఉంది. కాగా, జియో రూ.10,000 కోట్ల ఈఎమ్‌డీతో ప్రస్తుతానికి అగ్రస్థానంలో నిలిచింది. భారతీ రూ.3,000 కోట్లు; వొడాఫోన్‌ ఐడియా రూ.475 కోట్లు చొప్పున ఈఎమ్‌డీలను సమర్పించాయి.