PNB lending rate: పీఎన్‌బీ రుణ రేట్లలో 0.15% పెంపు

దిల్లీ: ప్రభుత్వ రంగానికి చెందిన పంజాబ్‌ నేషనల్‌ బ్యాంకు (PNB) ‘నిధుల వ్యయ ఆధారిత రుణ రేటు’ (MCLR)ను అన్ని కాలావధి రుణాలకు 15 బేసిస్‌ పాయింట్లు (0.15%) పెంచింది. దీంతో నెలవారీ వాయిదా (EMI)ల మొత్తం పెరగనుంది. పెంచిన రేట్లు నేటి నుంచే అమల్లోకి రానున్నాయి. రిజర్వు బ్యాంకు రెపో రేటును మే నెలలో 40 బేసిస్‌ పాయింట్లు పెంచి 4.40 శాతానికి చేర్చిన విషయం తెలిసిందే. ఈ నేపథ్యంలోనే పీఎన్‌బీ రుణ రేట్లను సవరించింది. దీంతో ఏడాది కావావధి కలిగిన రుణ రేట్లు ఇకపై 7.25-7.40% మధ్య ఉండనున్నాయి. మూడేళ్ల ఎంసీఎల్‌ఆర్‌ 7.70 శాతానికి చేరింది.