Crime News: విషాదం.. మంటల్లో నలుగురు చిన్నారుల సజీవ దహనం

శిమ్లా: హిమాచల్‌ప్రదేశ్‌లోని ఉనా జిల్లాలో విషాదం చోటుచేసుకుంది. ఏఎంబీ ప్రాంతంలోని ఓ మురికివాడలోని రెండు గుడిసెలకు మంటలు అంటుకోవడంతో నలుగురు చిన్నారులు సజీవ దహనమయ్యారు. మృతులను బిహార్‌లోని దర్బంగా జిల్లా నుంచి వలస వచ్చిన కుటుంబానికి చెందిన వారిగా గుర్తించారు.

మృతుల్లో శివమ్‌ కుమార్‌(6), గోలుకుమార్‌ (7), నీతు (14) ఒకే కుటుంబానికి చెందిన వారు. వారితో పాటు పక్క ఇంట్లో ఉంటున్న సోను కుమార్‌ (17) సజీవ దహనమైనట్లు స్థానిక పోలీసు అధికారి పఠానియా తెలిపారు. సమాచారం అందుకున్న వెంటనే అగ్నిమాపక సిబ్బంది ఘటనాస్థలానికి చేరుకుని మంటలను ఆర్పివేశారు. గుడిసెలకు మంటలు అంటుకోవడానికి గల కారణాలు తెలియరాలేదు.