Andhra News: మైనర్ల డ్రైవింగ్‌.. తెనాలిలో కారు బీభత్సం

తెనాలి గ్రామీణం: గుంటూరు జిల్లా తెనాలిలో కారు బీభత్సం సృష్టించింది. పట్టణంలోని టెలిఫోన్ ఎక్స్చేంజ్‌ రోడ్డులో కారు అదుపు తప్పి రిక్షా మరమ్మతులు చేస్తున్న ముగ్గురు వ్యక్తులపైకి దూసుకెళ్లింది. మైనర్లు కారు నడపడంతోనే ఈ ఘటన చోటుచేసుకుంది.

ప్రమాదంలో ఓ వ్యక్తి కాలు నుజ్జునుజ్జవగా.. మరో ఇద్దరు తీవ్రంగా గాయడపడ్డారు. స్థానికులు అందించిన సమాచారంతో ఘటనాస్థలానికి చేరుకున్న పోలీసులు.. కారు డ్రైవింగ్‌ చేసిన మైనర్లను అదుపులోకి తీసుకున్నారు. క్షతగాత్రులను తెనాలి ప్రభుత్వాసుపత్రికి తరలించి చికిత్స అందిస్తున్నారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.