పాలకులు పట్టించుకుంటే మేలు వెలుగుచూడని అందాలెన్నో!

బొండాం వద్ద రైలు ప్రయాణం

అరకులోయ, ముంచంగిపుట్టు, న్యూస్‌టుడే: ఆంధ్రాఊటీ అరకులోయలో కొత్త అందాలకు కొదవే లేదు. అరకులోయ మండలం బొండాం పంచాయతీ కేంద్రానికి ఆమడ దూరంలోని గలగలా పారే వాగు.. .బండరాళ్ల మధ్య కూర్చొని ప్రకృతి రమణీయ దృశ్యాల ఆస్వాదన.. .అక్కడి నుంచే సుందరంగా కనిపించే కొండల నడుమ సాగే రైలు ప్రయాణం సందర్శకులకు మర్చిపోలేని అనుభూతి మిగులుస్తాయి.  బొండాం పరిసర ప్రాంతంలోని ఈ సుందర దృశ్యాల చెంతకు పర్యటకులు చేరాలంటే పాలకులు కొంత దృష్టి సారించాల్సిన అవసరం ఉంది. 

ముంచంగిపుట్టు - పెదబయలు మండలాల సరిహద్దు ప్రాంతంలో 120 అడుగుల ఎత్తు నుంచి జాలువారుతున్న తారాబు జలపాతం పాలనురగల అందాలతో ఆకట్టుకుంటోంది. దీని గురించి ఇటీవల కలెక్టర్‌ సుమిత్‌కుమార్‌ స్థానికుల నుంచి వివరాలు తెలుసుకున్నారు. పచ్చని కొండల మధ్య వున్న జలపాతం ప్రాంతాన్ని అభివృద్ధి చేయాలని స్థానికులు కోరుతున్నారు.

జాలువారుతున్న తారాబు జలపాతం