నిర్మాణం నిలిపివేయడం దారుణం: కేశినేని

భవానీపురం, న్యూస్‌టుడే: విజయవాడలోని పాత ప్రభుత్వ ఆసుపత్రిలో భవన నిర్మాణాన్ని పూర్తి చేయకుండా నిలిపివేయడం దారుణమని ఎంపీ కేశినేని నాని పేర్కొన్నారు. ఈనెల 10న ‘ఈనాడు’లో ప్రచురితమైన ‘చేతులెత్తేశారు’ కథనానికి ఎంపీ స్పందించారు. ఈ మేరకు జిల్లా కలెక్టర్‌ డిల్లీరావుకు లేఖ రాశారు.  పేద, మధ్య తరగతి ప్రజలకు మెరుగైన సౌకర్యాలు అందించేందుకు నూతన భవనం ఎంతో అవసరమని పేర్కొన్నారు. నిర్మాణానికి అవసరమైన నిధులు ఇచ్చేందుకు ఎన్‌జీవోలు, ట్రస్ట్‌లు  సిద్ధంగా ఉన్నాయని, అవసరమైతే తన ఎంపీ లాడ్స్‌ నుంచి నిధులను కేటాయిస్తానని తెలిపారు.