30 నుంచి భవిత కేంద్రాల్లో శిబిరాలు

కొత్తచెరువు : ఏపీ సమగ్ర శిక్ష ఆధ్వర్యంలో జల్లాలో గుర్తించిన భవిత కేంద్రాల్లో దివ్యాంగ పిల్లలకు అసెస్మెంట్‌ శిబిరాలు నిర్వహించనున్నట్లు అడిషనల్‌ ప్రాజెక్టు కోఆర్డినేటర్‌ మీనాక్షి తెలిపారు. ఈ నెల 30న ధర్మవరం మండలలోని ఎల్‌సీకే పురం భవిత కేంద్రంలో నిర్వహించే శిబిరంలో ధర్మవరం, బత్తలపల్లి, రామగిరి, తాడిమర్రి, చెన్నేకొత్తపల్లి, కనగానిపల్లి మండలాలు, ఏప్రిల్‌ 1న కదిరిలో ఓడీసీ, ఎన్పీ కుంట, కదిరి, నల్లచెరువు, గాండ్లపెంట, తనకల్లు, తలుపుల, అమడుగూరు, 2న హిందూపురంలో లేపాక్షి, హిందూపురం, పెనుకొండ, చిలమత్తూరు, సోమందేపల్లి, పరిగి, 3న మడకశిరలో అగళి, మడకశిర, గుడిబండ, రొళ్ల, అమరాపురం, రొద్దం, 4న పుట్టపర్తిలో గోరంట్ల, బుక్కపట్నం, కొత్తచెరువు, నల్లమాడ, పుట్టపర్తి, ముదిగుబ్బ మండలాలకు చెందిన దివ్యాంగులైన పిల్లలు భవిత కేంద్రాల్లో నిర్వహించే అసెస్మెంటు శిబిరాలకు హాజరై సద్వినియోగం చేసుకోవాలని కోరారు.