రోడ్డు ప్రమాదంలో బాలుడి మృతి

ఏడుగురికి గాయాలు

తవణంపల్లె: మండల పరిధిలోని ఆరు వరుసల జాతీయ రహదారిలో తెల్లగుండ్లపల్లె వద్ద గురువారం కారు బోల్తా పడి ఒకరు మరణించగా ఏడుగురికి గాయాలయ్యాయి. పోలీసుల కథనం మేరకు.. పశ్చిమ బంగాకు చెందిన కొందరు బెంగళూరులోని బంధువుల ఇంటికి వచ్చారు. అక్కడి నుంచి అందరూ కలిసి కారులో తిరుమలకు వెళ్లి స్వామివారిని దర్శించుకుని తిరిగి బెంగళూరు వెళ్తుండగా తెల్లగుండ్లపల్లె సమీపంలో కారు అదుపు తప్పి బోల్తా పడింది. ప్రమాదంలో అంకిత్‌ జేనా(6) మృతి చెందాడు. సుదర్శన్‌ హట్య, రంజిని హట్య, రితీష, గోపాల్‌ జేనా, సునిత జేనా, రుక్ష, అయంకిత గాయపడ్డారు. చిత్తూరు ప్రభుత్వాసుపత్రికి వెళ్లి అక్కడి నుంచి మెరుగైన వైద్యం నిమిత్తం గాయపడిన ఏడుగురు వేలూరు సీఎంసీ ఆస్పత్రికి వెళ్లారు. ప్రమాదానికి గురైన వారు ఎవరూ అందుబాటులో లేకపోవడంతో పూర్తి వివరాలు తెలియాల్సి ఉందని పోలీసులు వివరించారు.