తెదేపా ఆకలి తీర్చింది.. వైకాపా మూసేసింది

దీనావస్థలో అన్న క్యాంటీన్లు

చిత్తూరు నగరంలోని కొంగారెడ్డిపల్లిలో అన్న క్యాంటీన్‌లో ఏర్పాటు చేసిన సచివాలయం

రూ.2కే పేదలకు కిలో బియ్యం అందించిన తేదేపా ప్రభుత్వం వారి ఆకలి తీర్చేందుకు రూ.5కే అన్నం పెట్టేందుకు అన్న క్యాంటీన్లు ఏర్పాటు చేసింది. దీంతో ఆయా ప్రాంతాల్లో ఉన్న పేదలతో పాటు వివిధ పనులపై పట్టణాలకు, నగరాలకు వచ్చే వేలమంది ఇక్కడికి వచ్చి ఆకలి తీర్చుకునేవారు. అలాంటి అన్న  క్యాంటీన్లను వైకాపా అధికారంలోకి రాగానే నిర్దాక్షిణ్యంగా మూసివేసింది. అనేకచోట్ల క్యాంటీన్ల భవనాలు సచివాలయాలుగా ఉండగా మరికొన్నిచోట్ల మూత్రవిసర్జనకు వినియోగిస్తున్నారు. నాడు ఆకలి తీర్చుకున్న పేదలు నేడు వీటి దుస్థితిని చూసి కన్నీరు పెట్టుకుంటున్నారు. ఈ క్యాంటీన్లలో రోజుకు రూ.15కే మూడుపూటలా ఆకలి తీర్చుకున్నవారు నేడు దాదాపు రూ.150 చెల్లించినా అర్థాకలితోనే ఉంటున్నారు. ఇది జగన్‌ పేదలకు వేసిన శిక్ష.

ఈనాడు, చిత్తూరు, న్యూస్‌టుడే, పలమనేరు, నగరి