బరి.. గెలుపే గురి

 మూడు ఎంపీ స్థానాలకు 42 మంది పోటీ
 21 అసెంబ్లీ నియోజకవర్గాలకు 270 మంది సై

 ఈనాడు, రాజమహేంద్రవరం: ఉమ్మడి జిల్లాలో నామినేషన్ల ఉపసంహరణ అనంతరం పార్లమెంట్‌ స్థానాల పరిధిలో పరిశీలిస్తే.. కాకినాడ, డాక్టర్‌ బి.ఆర్‌.అంబేడ్కర్‌ కోనసీమలకు 15 మంది చొప్పున అభ్యర్థులు బరిలో నిలిచారు. తూర్పుగోదావరి జిల్లా పరిధిలో 12 మంది మిగిలారు.

•  అసెంబ్లీ స్థానాలకు అత్యధికంగా కాకినాడ జిల్లాలో పోటీపడుతున్నారు. ఇక్కడ అభ్యర్థుల సంఖ్య సెంచరీ దాటేసింది. మొత్తం ఏడు నియోజకవర్గాల పరిధిలో 108 మంది పోటీపడుతున్నారు. అత్యధికంగా కాకినాడ నగరం, గ్రామీణం, ప్రత్తిపాడు నియోజకవర్గాల నుంచి 15 మంది చొప్పున పోటీలో ఉన్నారు. అత్యల్పంగా పెద్దాపురం నుంచి 10 మంది ఉన్నారు.
•  బి.ఆర్‌.అంబేడ్కర్‌ కోనసీమ జిల్లాకు సంబంధించి 91 మంది పోటీకి సై అంటున్నారు. ముమ్మిడివరం నుంచి అత్యధికంగా 15 మంది, రాజోలు నుంచి అతి తక్కువగా పది మంది పోటీపడుతున్నారు.
•  తూర్పుగోదావరి జిల్లాలో ఏడు నియోజకవర్గాల్లో 71 మంది అభ్యర్థులు పోటీ పడుతున్నారు. వీరిలో రాజానగరం, నిడదవోలు నుంచి అత్యధికంగా 12 మంది, రాజమహేంద్రవరం గ్రామీణం నుంచి అత్యల్పంగా ఏడుగురు బరిలో నిలిచారు.`