లోపాన్ని సరిచేసిపింఛను ఇవ్వండి: లోకేశ్‌

చేనేత కార్మికునితో మాట్లాడుతున్న నారా లోకేశ్‌

మంగళగిరి, న్యూస్‌టుడే: మంగళగిరి నియోజకవర్గంలో తొలగించిన సామాజిక పింఛన్లను తిరిగి ఇవ్వాలంటూ జిల్లా కలెక్టర్‌ వివేక్‌యాదవ్‌కు తెదేపా జాతీయ ప్రధాన కార్యదర్శి నారా లోకేశ్‌ బుధవారం లేఖ రాశారు. వృద్ధులు, వితంతువులు, చేనేత కార్మికులు, వికలాంగులకు న్యాయమైన పద్ధతిలో పింఛన్లు అమలు చేయాలని కోరారు. కరోనాతో అనేక కుటుంబాలు ఆర్థికంగా చితికిపోయాయని గుర్తుచేశారు. మంగళగిరిలో పింఛను పొందలేకపోతున్న 12 మంది పేర్లతో ఒక జాబితాను ఆయన కలెక్టర్‌కు పంపారు. ఏవైనా లోపాలు ఉంటే సరిదిద్ధి సత్వరమే అందేలా చర్యలు తీసుకోవాలని లేఖలో కలెక్టర్‌ను కోరారు.