పరస్పర ఫిర్యాదులు - కేసు నమోదు

దాడిలో చెవి తెగి గాయపడ్డ శ్రీనివాసరావు

సంగుపాలెం(పిట్టలవానిపాలెం), న్యూస్‌టుడే: మండల పరిధిలోని సంగుపాలెంలో మంగళవారం అర్ధరాత్రి తన భర్త శ్రీనివాసరావుపై సర్పంచి శివకుమారి, ఆమె కుమారుడు కానిస్టేబుల్‌ యెనికపల్లి మహేష్‌ కత్తితో దాడి చేసి చెవి కోసేశారని యానిమేటర్‌ కుమారి ఇచ్చిన ఫిర్యాదు మేరకు నిందితులపై కేసు నమోదు చేసినట్లు చందోలు ఎస్సై రాజశేఖర్‌ తెలిపారు. ఆయన బుధవారం మాట్లాడుతూ శ్రీనివాసరావు తన ఇంటికి వచ్చి దుర్భాషలాడి, దాడికి దిగాడని సర్పంచి శివకుమారి ఇచ్చిన ఫిర్యాదు మేరకు అతనిపైనా కేసు నమోదు చేసినట్లు పేర్కొన్నారు. ఆసరా చెక్కుల పంపిణీ కార్యక్రమానికి మహిళలను తరలించే విషయమై ఇరువర్గాలకు గొడవ జరిగినట్లు సమాచారం.