యానిమేషన్‌ సినీ కథా రచయిత ఆత్మహత్య

లలిత సాయి ప్రశాంత్‌

రాయదుర్గం, న్యూస్‌టుడే: అప్పుల బాధ తట్టుకోలేక ఓ యానిమేషన్‌ సినిమా కథ రచయిత ఉరేసుకొని ఆత్మహత్య చేసుకున్నాడు. రాయదుర్గం ఎస్‌ఐ మన్మథ]రావు తెలిపిన వివరాల ప్రకారం.. గుంటూరుకు చెందిన యానిమేషన్‌ సినిమా కథ రచయిత దాసరి లలిత సాయి ప్రశాంత్‌(45) మణికొండ పంచవటి కాలనీలో నివసిస్తున్నాడు. అవివాహితుడైన ఆయన ఇంట్లో ఒంటరిగా ఉంటున్నాడు. మంగళవారం సాయంత్రం బంధువులు ఫోన్‌ చేయగా ఆయన ఇంతకీ సమాధానం ఇవ్వలేదు. దీంతో సెక్యూరిటీ సిబ్బందికి చెప్పారు. వారు ఆయన గదికి వెళ్లి చూసేసరికి సీలింగ్‌ ఫ్యాన్‌కు ఉరేసుకొని కనిపించాడు. వారు రాయదుర్గం పోలీసులకు సమాచారం అందించారు. గదిలో పోలీసులు ఓ లేఖ స్వాధీనం చేసుకున్నారు. ‘తన ఆరోగ్యం బాగాలేదని, వైద్యం కోసం చేసిన అప్పులు తీర్చలేకపోతున్నందుకు తనువు చాలిస్తున్నానని, తన మృతికి ఎవరు కారణం కాదు’ అని ఆ లేఖలో పేర్కొన్నారు.