నాకు ప్రాణాపాయం

ప్రియాంక్‌ ఖర్గే ఆందోళన

కలబురగి, న్యూస్‌టుడే : లోక్‌సభ ఎన్నికల వేళ తనను అంతం చేసేందుకు కొందరు భాజపా నాయకులు కంకణం కట్టుకున్నారని గ్రామీణాభివృద్ధి శాఖ మంత్రి ప్రియాంక్‌ ఖర్గే ఆరోపించారు. గురువారం ఇక్కడ విలేకరులతో మాట్లాడుతూ తాను రాజ్యాంగంపై నమ్మకం ఉన్న వ్యక్తినని చెప్పారు. తనను అంతం చేస్తానని అశ్లీల పదాలు ఉపయోగించి లేఖలు వచ్చాయన్నారు. పంచామృతంతో పూజ చేసినా, నీ కులం నిన్ను వదిలిపెట్టదని, వేషాన్ని మార్చినా, మంత్రి అయినా, రాజు అయినా నిన్ను అంతం చేస్తామంటూ వచ్చిన లేఖను చదివి వినిపించారు. సమావేశం అనంతరం స్థానిక ఠాణాలో ఆయన ఫిర్యాదు చేశారు.