బియ్యం తూకంలో కోతలు

ఎలక్ట్రానిక్‌ తూకంపై అడుగు భాగంలో ఉంచిన ఖాళీ గోనె సంచి, ఆపై నిండు సంచితో తూకం

న్యూస్‌టుడే, ఆదోని మార్కెట్‌: ఆదోని పట్టణంలో ఇంటింటికి రేషన్‌ బియ్యం సరఫరా చేసే ఆటోల్లో బియ్యం కోతలు పడుతున్నాయి. ఇళ్ల ముందుకే వచ్చి అందిస్తున్న బియ్యం తూకంలో ప్రతిసారీ రెండు కిలోల మేర తక్కువ వేస్తున్నారు. ఎలక్ట్రానిక్‌ కాటాపై ఖాళీ గోనెసంచితోపాటు నిండు బియ్యం సంచి ఉంచి తూకం వేసి లబ్ధిదారులకు బియ్యం వేస్తున్నారు. ఈ లెక్కన రెండు సంచులకు కలిపి సరాసరి రెండు కిలోల మేర కోత పడుతోందని జనం వాపోతున్నారు. ఇదేమిటని ప్రశ్నిస్తే బియ్యం వేయమంటూ గద్దిస్తున్నారని, చేసేదిలేక ఇచ్చిందే తీసుకెళ్తున్నామంటున్నారు.