‘చిరు వ్యాపారంతో పారిశ్రామికవేత్తలుగా ఎదగొచ్చు’

మాట్లాడుతున్న పాలనాధికారి రాజర్షి షా, ప్రతిమాసింగ్‌ తదితరులు

మెదక్‌ టౌన్‌: కృషి, పట్టుదల ఉంటే భవిష్యత్తులో చిరు వ్యాపారంతో పెద్ద పారిశ్రామికవేత్తలుగా ఎదగవచ్చని పాలనాధికారి రాజర్షి షా విద్యార్థులకు సూచించారు. బుధవారం పట్టణంలోని ప్రభుత్వ డిగ్రీ కళాశాలలో తెలంగాణ ఫెడరేషన్‌ ఛాంబర్స్‌ అండ్‌ కామర్స్‌ ఇండస్ట్రీస్‌, వజీర్‌ సుల్తాన్‌ టొబాకో కంపెనీస్‌ హైదరాబాద్‌ వారు సంయుక్తంగా నిర్వహించిన ఎంటర్‌ప్రెన్యూర్‌ మెంటార్‌షిప్‌ ప్రోగ్రాం శిక్షణ ముగింపు కార్యక్రమంలో ఆయన పాల్గొని మాట్లాడారు. సలహాలు, సూచనలు, శిక్షణ కోసం పరిశ్రమలశాఖను సంప్రదించాలన్నారు. చిన్న వస్తువులకు మెదక్‌ మాంజీరా మార్కెటింగ్‌ గ్రూప్‌ ద్వారా విక్రయ సౌకర్యం కల్పిస్తామని అదనపు పాలనాధికారి ప్రతిమాసింగ్‌ విద్యార్థులకు భరోసా కల్పించారు. అనంతరం విద్యార్థులకు ధ్రువీకరణ పత్రాలు అందజేశారు. తెలంగాణ ఛాంబర్స్‌ అధ్యక్షులు అనిల్‌ అగర్వాల్‌ ప్రిన్సిపల్‌ గణపతి, రాకేష్‌ సింగ్‌, జిల్లా పరిశ్రమల అధికారి కృష్ణమూర్తి ఉన్నారు.