గురుకుల కళాశాలల్లో ప్రవేశాల గడువు పొడిగింపు

నల్గొండ విద్యావిభాగం, న్యూస్‌టుడే: తెలంగాణ సాంఘిక సంక్షేమ గురుకుల విద్యాలయాల సంస్థకు చెందిన 38 సెంటర్‌ ఆఫ్‌ ఎక్సలెన్స్‌(సీఓఈ) కళాశాలల్లో 2023-2024 విద్యాసంవత్సరానికి ఇంటర్మీడియట్‌లో ప్రవేశాలకు టీఎస్‌డబ్ల్యూఆర్‌సీవోఈసీటీ- 2023 కి ఆసక్తి, అర్హత కలిగిన విద్యార్థుల దరఖాస్తుకు గడువు ఈనెల 4వ తేదీ వరకు పొడిగించినట్లు ఆ విద్యాలయాల రీజనల్‌ కోఆర్డినేటర్‌ హెచ్‌.అరుణకుమారి తెలిపారు. 2023 మార్చిలో పబ్లిక్‌ పరీక్షలు రాసే విద్యార్థులు సీఓఈ కళాశాలల్లో ప్రవేశాలకు అర్హులని పేర్కొన్నారు. ప్రవేశ పరీక్ష మార్చి 5వ తేదీ ఉదయం 10గంటల నుంచి మధ్యాహ్నం ఒంటి గంట వరకు ఉంటుందని తెలిపారు.