మహిళా రైతు ఆత్మహత్య

జండాదిబ్బ(సంగం), న్యూస్‌టుడే: చేపల చెరువుల సాగుతో భారీగా అప్పులు అవటంతో వాటిని ఎలా తీర్చాలో అర్థంకాక మనోవేదనకు గురైన ఒక మహిళా రైతు ఆత్మహత్యకు గురయ్యారు. జండాదిబ్బ పంచాయతి అనుబంధ గ్రామమైన అరవపాళెంలో గత మూడేళ్ల నుంచి మూడెకరాల పొలాన్ని కౌలుకు తీసుకుని బలే శశిరేఖ(37) భర్త నాగరాజుతో కలసి చేపల చెరువు సాగు చేపట్టారు. సాగులో ఆదాయం రాకపోగా రూ.20 లక్షల అప్పులు మిగిలాయి.వాటిని ఎలా చెల్లించాలంటూ ఆవేదన చెందుతున్న శశిరేఖ ఆదివారం గడ్డి మందు తాగి ఆత్మహత్యా యత్నం చేశారు. గమనించిన కుటుంబ సభ్యులు చికిత్స నిమిత్తం నెల్లూరుకి తరలించారు. చికిత్స పొందుతూ సోమవారం వేకువజామున మృతి చెందారు. ఈ సంఘటనపై కేసు నమోదు చేసినట్లు ఎస్సై కె.నాగార్జునరెడ్డి తెలిపారు.