రైతుల జీవితాల్లో నిత్య కాంతులు

నిజామాబాద్‌ నగరం: సంక్రాంతిని పురస్కరించుకొని ప్రజలు సిరి సంపదలు, భోగ భాగ్యాలతో విరాజిల్లాలని రాష్ట్ర రోడ్లు భవనాల శాఖ మంత్రి వేముల ప్రశాంత్‌రెడ్డి ఆకాంక్షించారు. ఉమ్మడి జిల్లా ప్రజలకు ఆయన పండగ శుభాకాంక్షలు తెలియజేస్తూ ప్రకటన విడుదల చేశారు. ముఖ్యమంత్రి  కేసీఆర్‌ నాయకత్వంలో సాగునీటి రంగంలో ఎంతో అభివృద్ధి సాధించినట్లు పేర్కొన్నారు. ఎన్ని కష్టాలు వచ్చినా సమర్థంగా ఎదుర్కొంటూ రైతుల జీవితాల్లో నిత్య కాంతులు నింపుతామన్నారు. కొవిడ్‌ నిబంధనలు పాటిస్తూ పండగ జరుపుకోవాలని సూచించారు. జిల్లా పాలనాధికారి నారాయణరెడ్డి కూడా మరో ప్రకటనలో సంక్రాంతి శుభాకాంక్షలు తెలిపారు.