ఏకకాలంలో రుణమాఫీ

శేరిబీబీపేటలో మహిళల సమస్యలు వింటున్న మాజీ మంత్రి షబ్బీర్‌ ఆలీ

బీబీపేట, న్యూస్‌టుడే: కాంగ్రెస్‌ అధికారంలోకి రాగానే మొదట రైతులకు ఏకకాలంలో రూ.2 లక్షల రుణమాఫీ చేస్తామని మాజీ మంత్రి షబ్బీర్‌ అలీ పేర్కొన్నారు. బీబీపేట మండలం తుజాల్‌పూర్‌ , శేరిబీబీపేటలో సోమవారం ఏర్పాటు చేసిన రచ్చబండలో పాల్గొన్నారు. ఆయా గ్రామాల్లో పార్టీ జెండావిష్కరించారు. అత్త సొమ్ము అల్లుడు దానం అన్నట్లు పంజాబరైతు కుటుంబాలకు సీఎం కేసీఆర్‌ మన సొమ్ము ఇస్తున్నారన్నారు. రాష్ట్రంలో మరణించిన కర్షకుల కుటుంబాలకు ఏం సాయం చేశారో చెప్పాలన్నారు. అనంతరం బీబీపేటలో ఓ ఆలయ వార్షికోత్సవానికి, తెరాస సీనియర్‌ నాయకుడు బాశెట్టి నాగేశ్వర్‌ కుమారుడి వివాహం, తుజాల్‌పూర్‌ లో నామకరణ వేడుకల్లో పాల్గొన్నారు. డీసీసీ అధ్యక్షుడు కైలాస్‌ శ్రీనివాస్‌, ఉపాధ్యక్షుడు మద్ది చంద్రకాంరెడ్డి, టీపీసీసీ రాష్ట్ర ప్రధాన కార్యదర్శి బద్దం ఇంద్రకరణరెడ్డి, మండలాధ్యక్షుడు సుతారి రమే, జిల్లా ప్రధాన కార్యదర్శి భూమాగౌ, ఇరు గ్రామాల పార్టీ అధ్యక్షులు పరశురాములు, సాదుల నాగరాజ్‌ పాల్గొన్నారు.