కూటమితోనే రాష్ట్రాభివృద్ధి

బలిజిపేట: తెదేపా, జనసేన, భాజపా కూటమితోనే సంక్షేమం, రాష్ట్రాభివృద్ధి సాధ్యమని తెదేపా అభ్యర్థి బోనెల విజయచంద్ర అన్నారు. పలగర గ్రామంలో శుక్రవారం ఎన్నికల ప్రచారాన్ని నిర్వహించారు. ఈ సందర్భంగా ఆయనకు గ్రామంలోని మహిళలు కుంకుమ తిలకాలు దిద్ది హారతులిచ్చారు. కూటమి సారధ్యంలో చంద్రబాబు అధికారంలోకి వచ్చిన వెంటనే ప్రవేశపెట్టనున్న సూపర్‌సిక్స్‌ పథకాల వల్ల మహిళలకు, నిరుపేదలకు ఎంతో ప్రయోజనం కలగనుందన్నారు. కార్యక్రమంలో మండల పార్టీ అధ్యక్షుడు పెంకి వేణుగోపాలనాయుడు, నాయకులు శంబాన మనోహరరావు, శంబాన గౌరునాయుడు, ఎం.అప్పారావు, గంట గౌరీశంకరరావు, జనసేన రాష్ట్ర ప్రచారకార్యదర్శి పాలూరు బాబు, కుమారస్వామి, పోలినాయుడు, భాజపా కార్యకర్తలు పాల్గొన్నారు.